Türk mühəndislər “Facebook”da səhv tapdılar

Sənət

Ana səhifə
Sənət

Türk mühəndislər “Facebook”da səhv tapdılar

13 aprel 2011

10:25

Bir neçə gün əvvəl üç türk proqramçı “Facebook” sosial şəbəkəsində təhlükəsizlik səhvi aşkar etmişdi.

Kulis.az “Radikal” qəzetinə istinadən bildirir ki, hotmail.com, live.com, msn.com email adresləri ilə Facebooka daxil olan istifadəçilərin hesabları təhlükədədir. Belə ki, bu adreslərlə daxil olanların istifadəçi şifrəsini dəyişmək cəmi bir dəqiqə vaxt alır.

Xəbərin qəzetdə yayılmasından üç gün sonra Serkan Gencel, Vahap Ərən, Özgür Şahin adlı proqramçılar problemin aradan qalxdığını görüblər. Proqramçılar boşluğun aradan qaldırılmasına çox seviniblər. Proqramçılardan biri Serkan Gencəl isə: “Məqsədimiz səhv tapmaq deyildi. Təsadüfən görmüşdük. Yəqin ki buna oxşar bir çox xətalar var. Amma bunları oturub axtarıb kimi bir həvəsimiz yoxdur” deyə açıqlama verib.