Hitlerin yeni rəsm əsəri tapıldı

Sənət

Ana səhifə
Sənət

Hitlerin yeni rəsm əsəri tapıldı

9 avqust 2011

11:48

Bu günlərdə “Daily Mail” qəzeti nasist lider Adolf Hitlerin çəkdiyi bir rəsmin fotosunu dərc edib

Şəkildə güzgü qarşısında əyləşmiş mələk və ətrafında çoxlu “ürək” şəkilləri təsvir olunub.

Nə qədər təəccüblü olsa da, bu “ürəkoxşayan” rəsmi Hitler çəkib, özü də ən sadiq müttəffiqlərindın biri – Hermann Esserin arvadının ad gününə yolladığı açıqcada!

1939-cu ildə göndərilən açıqcada Hitler şəklin adını “Frau Esser”, yəni “Adamyeyənin arvadı” olaraq qeyd edib.

9.5 x 3.5 ölçüsündəki açıqca bir kolleksiyaçı tərəfindən hərraca çıxarılıb və onun ən az 6 min funt sterlinqə satılacağı gözlənilir.

Araşdırmaçılar rəsmin 1939-cu ilin yanvar ayında çəkildiyini bildiriblər. O vaxtlarda isə Hitler artıq yəhudilərin öldürülməsi ilə bağlı qərarını dəqiq vermişdi. Hətta dostu Hermann Esserin də “Dünyada yəhudi vəbası” adlı kitabı nəşr olunmuşdu.

Göründüyü kimi, ən qəddar liderlər belə, oturub çoxlu ürək, mələk, buludlar və s. çəkə bilərmişlər.

Partiya quruculuğundan fürerə kömək edən Hermann Esser Hitler tərəfindən o qədər də sevilən insan olmayıb. Hitler onun haqqında: “Mən bilirəm ki, o alçaqdır. Amma onu özümdən mənə lazım olduğu müddətcə ayırmayacam” - deyib.

Günel Əsgərzadə