Bu yaxınlarda dünyasını dəyişmiş Emi Uaynhausun dostları Kristian Marr və Arki Rid İngiltərənin “Daily Mail” qəzetinə müsahibə veriblər. Dostları onun geyim dizayneri Aleksandr MakKuinə nifrətindən, onu narkotikə kimin aludə etdiyindən danışıblar.
Yeri gəlmişkən, Arki Rid dizayner Aleksandr MakKuin ilə sevgili olub.
Emi ilə MakKuin arasında soyuqluq münasibətlər varmış: “Aleksandr bir partidə Emini təhqir etdi. Sonra üzr istəmək məqsədi ilə ona 15 min funt sterlinq dəyərində bir paltar yolladı. Ancaq Emi onu bir partidə ocağa atıb yandırdı. “Selfridges” dükanında gördüyü bir MakKuin paltarının üzərinə isə əlindəki mayeni dağıtdı. İşçilər ona paltarın pulunu verməli olduğunu dedi. O isə: “Pulu nə qədərdisə, verəcəm, amma MakKuinə paltarını məhv etdiyimi çatdırın” - deyib”.
Dizayner MakKuin özü də narkotik maddələrin istifadəçisi olub və keçən il 40 yaşında evində ölü tapılıb. 18 yaşında orientasiyasını dəyişib və bunu heç vaxt gizlətməyib.
Rid həmçinin Eminin narkotikə onu köhnə əri Bleyk Fielder-Sivilin öyrəşdirdiyini vurğulayıb: “Evlilikdən əvvəl o yalnız içki və marixuanadan istifadə edirdi. Narkotikin təsiri altında saatlarla oturub güzgüyə, ya da evlilik fotolarına baxardı. Sonra gitarasını götürüb yeni mahnılar yazardı. Ən yaxşı mahnılarını narkotikin təsirində yazmışdı”.
Müğənninin “Məni həqiqətən ağladan tək insan” deyə təqdim etdiyi dostu Kristian Marr isə onun son vaxtlar narkotik əvəzinə ağ şərab içdiyini açıqlayıb: “Ölməmişdən bir gün əvvəl mesaj atdı. Ruhi halı yaxşı idi, amma çox içirdi. Narkotikin onu ölümə apardığını bilirdi”.
Günay ƏSGƏRZADƏ
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Uçuq ev, xatirəni danışacaq kimsənin olmaması, sandıq... - Nadir Yalçının hekayələri oxucuya necə təsir edir?
10:00
29 yanvar 2026
"O, Azərbaycan poeziyasının çörəyi, duzu, balı, südüdür..." - Gürcü şair kimin haqqında yazırdı?
16:30
28 yanvar 2026
"Cibimiz boş, ürəyimiz dolu vaxtlarımızda... " - Eyvaz Əlləzoğlunun qarşısında niyə keçmiş üzüqara idi?
14:00
28 yanvar 2026
3 dəqiqə 45 saniyə - Ulucay Akif
11:35
28 yanvar 2026
1988-ci ilin gizlinləri - Qarabağ hadisələrində nələr baş vermişdi?
10:00
27 yanvar 2026
Tablolarını yeməyə dəyişdi, dostlarının evində gecələdi, vərəmə yoluxdu... - Lənətlənmiş dahinin həyatından faktlar
15:00
24 yanvar 2026
