Nuri Bilge Ceylanın filmi Oscar-a doğru

Sənət

Ana səhifə
Sənət

Nuri Bilge Ceylanın filmi Oscar-a doğru

1 avqust 2011

12:38

Bu il 64-cü Kann Film Festivalının Qran prisini alan Nuri Bilge Ceylanın “Bir zamanlar Anadolu”da filmi Oscar-a namizəd olmağa hazırlaşır. Bununla bağlı, filmin Türkiyədəki nümayişinin vaxtı sentyabrın 30-dan 23-nə keçirilib.

Oskar film mükafatlarının qaydalarına əsasən, “Ən yaxşı xarici film” nominasiyasında yarışmaq üçün filmlər sentyabrın 1-i və 30-u aralığında 7 gün tamaşaçı qarşısına çıxmalıdır.

Buna görə də “Bir zamanlar Anadolu” filminin nümayişinin vaxtı 7 gün əvvələ salınıb. Filmin Türkiyə premyeası isə gələn ay başlayacaq Adana Qızıl Barama Film Festivalında olacaq.

Oskar üçün qonşu ölkədə yarışacaq filmlər arasında “Qar Bəyaz”, “Gömrük məmuru”, “Zefir”, “Atlı qarışqa”, “Kölgələr və Surətlər”, “Hayde Bre”, “Ov mövsümü”, “Şahzadənin yuxusu”, “Nyu-Yorkda beş minarə”, “Çoxluq” və “Qovşaq” filmlərinin adları var.

Günel Əsgərzadə