İnternetin köməyi ilə artıq məşhurlar, müqəddəslər, dahilər bizə daha əlçatan olub. Fürsətdən istifadə edib sizə Tibetin ruhani lideri 14-cü Müqəddəs Dalay Lamanın rəsmi hesabında paylaşdıqlarını təqdim edirik.

Qeyd edək ki, ruhani dini liderin iki milyondan çox izləyicisi var.

Dosye: 14-cü Dalay Lama 6 iyul 1935-ci ildə Tibetdə doğulub. Iki yaşında göstərdiyi möcüzələri ilə hamını təəccübləndirib və 13-cü Dalay Lamanın reankarnasiyası kimi məşhurlaşıb. 4 yaşından Tibetin müqəddəs şəhəri Lhasaya köçürülüb. 14 yaşı olmasına baxmayaraq, doqquz il müddətində çinli işğalçılara qarşı şiddət, nifrətlə deyil, sevgi və sülhlə mübarizə aparıb. Lakin Çin hökumətinin kütləvi qırğınlar törətməsindən sonra 1949-cu ildə Hindistana köç edib. 80 min tibetli ilə Himalayı aşan Dalay Lama mübarizəsinə davam edib. Nəhayət, 1989-cu ildə Nobel Sülh mükafatına layiq görülüb.

Əgər zorakılıqdan istifadə etsəniz, müvəqqəti məmnunluq əldə edə bilərsiniz. Lakin zorakılığın xarakteri gözlənilməzdir – o özü kimi gözlənilməz nəticələr doğurur.

Neqativ olan fiziki və nitq davranışlarına nəzarət etmək üçün öz ağıl və köklərini bilməli və onları ram etməlisən.

Əgər başqalarına kömək edə bilmirsinizsə, ən azı zərəriniz dəyməsin.

Biz cəsarətimizi qarşılaşdığımız çətinliklərin ölçülərinə uyğun formalaşdırmalıyıq.

Sevgi, şəfqət və başqalarının qayğısına qalmaq xoşbəxtlyin real mənbələridir.

Şəfqət başqalarının əzabdan qurtulmasını görmək arzusudur; sevgi isə başqalarını xoşbəxt görmək istəyidir.

Şəfqət və sevgi ilə motivə olmaq və başqalarının haqlarına hörmət etməkdir əsl dini inanc.

Qəzəbi qəzəblə aradan qaldırmaq olmaz. Əgər biri sənə qəzəb nümayiş etdirirsə, sən də qarşılığını qəzəblə verirsənsə, nəticə ancaq fəlakətdir.

Bu gün çoxlu problemlər və narazılıqlarla qarşılaşırıq. Yeganə həll yolumuz dialoq olmalıdır.

Ətrafındakılara bacın və ya qardaşın kimi davransan, qarşılığı da elə olacaq.

Daxili rahatlıq və sülhü yaratmadan uzunmüddətli sülhə nail olmaq çətindir.

Qeyri-zorakılıq güc, zorakılıq əlacsızlıq və zəiflik əlamətidir.

Ürəyiaçıqlıq açıq təfəkkürlülükdür.

Hazırladı:Günel ƏSGƏRZADƏ

Qeyd: Bu fotolar Dalay Lamanın rəsmi səhifəsindən paylaşılıb.

• Siyasət şairi öldürür... - Dünyada heç şeir yazmamış adam var?
• Məşhur aktyor vəfat etdi
• Azərbaycanda ilk dəfə Milli Xalça Festivalı təşkil olunacaq