Şərif Ağayarın kitabı çıxdı

Sənət

Ana səhifə
Sənət

Şərif Ağayarın kitabı çıxdı

27 iyul 2011

10:51

Yazar Şərif Ağayarın “Qanun” nəşriyyatında “Ən yeni ədəbiyyat” seriyasından “Haramı” adlı kitabı işıq üzü görüb.

Kulis.az xəbər verir ki, kitabda Şərif Ağayarın “Haramı” romanı və “Xürrəm” povesti yer alıb.

Şərif Ağayar roman haqda bunları deyib: “Romanın qəhrəmanı Səməndər igid, qoçaq adamdır, ancaq cəmiyyətdə öz yerini tapa bilmir. Ona görə ermənilərlə təmas xəttində yaxın neytral bir zonada məskən salır. Zamanla uyuşmayan Səməndər cəmiyyətdən nə qədər uzaq qaçmağa çalışsa da, bu mümkün olmur.

Dərin ziddiyyətlər, bildiyiniz kimi, qurbansız ötüşmür. Həmişə olduğu kimi, yenə də zaman qalib gəlir! “Haramı” romanında qeyri-adi situasiyalara düşən Səməndərin müxtəlif xarakter cizgiləri açılır və oxucunun yaddaşında dərin izlər buraxır.

“Haramı” müasir roman xüsusiyyətlərini uyğun olaraq qələmə alınıb. Romanda yunan mifologiyası, Azərbaycanda ilk yazılı mənbə sayılan “Əhməd harami dastanı” və digər mətnlərlə əlaqələr qurulub.

“Haramı” romanında 3 mətn var: əsas hadisələri əks etdirən mətn, 7 günlük gündəlik və 12 əhvalat. Rəqəmlərin xüsusi məna daşıdığı əsərdə əsas hadisələr bədii, gündəlik isə publisistik üslubda qələmə alınıb. Əhvalatlar ağız ədəbiyyatı janrında indiki zamanda nəql olunur.

Romanda detektiv xətt, pornoqrafiq elementlər də vardır.

“Xürrəm” povestində isə heç bir fikrində sabit olmayan gənc yazarın düşdüyü tragikomik saituasiyalar təsvir olunur”.

Elmin HƏSƏNLİ

1323 dəfə oxunub

Paylaş

Oxşar xəbərlər

İndiki yazıların çoxunu o qəzet-jurnalların qapısından buraxmazdılar - Fəxri Uğurlu

10:00 26 aprel 2025

"Himnimizin sözlərini Əhməd Cavad yazmayıb" - 33 ildir haqqı yeyilən əsl müəllif kimdir?

12:00 24 aprel 2025

Çadrasını atan ilk azərbaycanlı qadının qətli – İki əsr yaşı olan bina söküləcəkmi?

12:20 23 aprel 2025

Sənət