Gənc vokalçımıza Robertino Lorettidən təklif

Sənət

Ana səhifə
Sənət

Gənc vokalçımıza Robertino Lorettidən təklif

21 iyul 2011

13:23

İtaliyada Milli Festivalın qalibi olmuş gənc vokalçımız Emin Eminzadə bu gecə Bakıya dönüb. 14 yaşında olmasına baxmayaraq, Emin illərini səhnədə keçirən bir çox müğənnilərin edə bilməyəcəyinə artıq indidən nail olub.

Bu günlərdə o, İtaliyanın paytaxtı Romada təşkil olunan Milli Musiqi Festivalında qalib adını qazanıb. Emin Romada məşhur italyan xalq mahnısı “Camayka” və dünya şöhrətli italyan müğənnisi Robertino Lorettinin repertuarına daxil olan “Osolo mio” mahnısını məharətlə ifa edərək bütün rəqiblərini arxada qoyub.

Festivalın qalibi Emin Eminzadə sözügedən festivala İtaliya tərəfdən dəvət olunduğunu deyib: “Fariçio Massi mənə dəvət göndərdi ki, Elio Katalano adlı festivalda iştirak edim. Yəqin ki, bu, hər bir müğənninin arzusudur. Çıxış etdim, hər şey yaxşı alındı”.

Eminzadənin sənətlə bağlı gələcək planları da olduqca maraqlıdır: “Loretti mənə dedi ki, ya bu günlərdə, ya da noyabrda Moskvada yubiley konserti keçirləcək. Onun Moskvada azarkeşləri çoxdur. Mənə duet oxumağı təklif etdi. Mən də təklif etdim ki, birlikdə Azərbaycan mahnısı oxuyaq. Yəqin maraqlı olar”.

Xatırladaq ki, Emin hələ bu il fevralın 13-də Robertino Lorettinin Bakı konsertində “Camayka” mahnısını məharətlə ifa edərək çoxlarının rəğbətini qazanmışdı. İtaliyada təşkil edilən musiqi festivalına da Emin məhz Bakı konsertində uğurlu çıxış etdiyinə görə dəvət edilib.

1034 dəfə oxunub

Paylaş

Oxşar xəbərlər

İndiki yazıların çoxunu o qəzet-jurnalların qapısından buraxmazdılar - Fəxri Uğurlu

10:00 26 aprel 2025

"Himnimizin sözlərini Əhməd Cavad yazmayıb" - 33 ildir haqqı yeyilən əsl müəllif kimdir?

12:00 24 aprel 2025

Çadrasını atan ilk azərbaycanlı qadının qətli – İki əsr yaşı olan bina söküləcəkmi?

12:20 23 aprel 2025

Sənət