Xalq yazıçısı Süleyman Rəhimovun oğlu yazıçı Şamo Ariflə Yazıçılar Birliyinin sədri Anar arasında yaranan söz davasının səs-küyü bitmək bilmir.
Tərəflər arasındakı qarşılıqlı ittihamlardan sonra digər yazıçı və şairlər - Əkrəm Əylisli, Mehriban Vəzir, Fikrət Qoca da bu söz atışmasına qoşuldular.
Yazıçı Əlisa Nicat da məsələtə münasibət bildirib. Ə.Nicat bu cür mübahisələrin dünya ədəbiyyatında da olduğunu deyərək burada qeyri-adi heç nə görmədiyini bildirdi.
Onun fikrincə, tarixin gizli səhifələrində yığılıb qalan həqiqətlər məhz bu cür mübahisələr yolu ilə ortaya çıxa bilər: “Bunlar təbii şeylərdir. Mən o boyda adamlara heç bir məsləhət vermək fikrində deyiləm. Üstəlik hesab edirəm ki, dünyada məsləhətdən əhəmiyyətsiz heç nə yoxdur. Hər kəsin öz prinsipində qalması, öz prinsiplərini müdafiə etməsi daha düzgün çıxış yoludur. Müəyyən həqiqət üzə çıxıbsa, o deyilməlidir. Amma onu deyə bilərəm ki, mən bu məsələdə Şamo Arifi daha haqlı sayıram”.
Ə.Nicatın fikrincə, cəmiyyətdə biri layiq olduğundan daha artığına nail olursa, qiymətə layiq olan kölgədə qalırsa, bu, istər-istəməz müəyyən gərginliyə, narazılığa səbəb olur: “Biri daha çox işləyir az qiymət alır, o biri layiq olduğundan artığına sahib olur. Cəmiyyətdə bu cür ədalətsizlik olduğuna görə, istər-istəməz çox adam narazı qalır. Şamo Arif də Anar kimi bir yazıçıdır da. Anar mükafatlar alır, Şamo bir az kənarda qalır. İstər-istəməz belə şeylər insana toxunur. Hamı bu həyatda bir dəfə yaşayır. Hərənin min cür qayğısı var. Bütün bu toqquşmalara səbəb cəmiyyətdəki ədalətsizlikdir. İqtidar gərək hər tərəfə öz qiymətini verə. Birinə hər şeyi yükləyir, o birinə heç nə vermir. O da istər-istəməz acıqlanır, müəyyən həqiqətləri açıqlayır”.
Azadlıq qəzeti
Əlisa Nicat Şamo Arifi haqlı sayır
19 iyul 2011
13:04
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Kefli İskəndərin gizli siması: xilaskar yoxsa qatil? - Cəfər Cabbarlı Mirzə Cəlilin əsəri haqqında
10:00
10 fevral 2026
Dedi: Könlümdə o, gizlicə candır! - Əlişir Nəvainin “Xəmsə”sindən Xosrovla Fərhadın deyişməsi
17:00
9 fevral 2026
"Dəlisi ağıllı kimi, ağıllısı dəli kimi millətim heeey!"- “Səksənincilər" layihəsindən Əlisəmid Kürün şeirləri
12:00
8 fevral 2026
Sevgilisi ilə səyahətə çıxdığı qatar çaya düşdü, anasını bağışlamadı... - Arvadı niyə onun məktublarını muzeyə təhvil vermişdi?
15:00
7 fevral 2026
“Misir Mərdanovun qohumuyam” deyəndən sonra universitetdə yaşadıqlarım - Bəhruz Tağızadə
10:00
7 fevral 2026
Hərəmxanaya bənzər emalatxana, 14 qeyri-qanuni övlad... - Onun hansı tablosu parlamentdə müzakirəyə çıxarılmışdı?
16:00
6 fevral 2026
