Xalq yazıçısı Süleyman Rəhimovun oğlu Şamo Ariflə Yazıçılar Birliyinin (AYB) sədri Anar Rzayev arasında qalmaqal bitmək bilmir.
Ş.Arif A.Rzayevlə bağlı sonuncu yazısında AYB sədrini açıq debata çağırmışdı.
Yazıçı bildirmişdi ki, Anar mətbuat katibinin arxasında gizlənməməli, Azərbaycan xalqı qarşısında tarixi həqiqətləri açıqlayan debata gəlməlidir.
Yazıçılar Birliyinin mətbuat katibi Ədalət Əsgəroğluna müraciət edib Anarın bu çağırışa münasibətini və debata gəlib-gəlməyəcəyini öyrənməyə çalışdıq.
Ə.Əsgəroğlu bildirdi ki, AYB sədri yalan və iftira ilə məşğul olan Şamo Ariflə debata çıxa bilməz: “Anar müəllim Şamo Arifin göstərdiyi faktlara, verdiyi açıqlamalara baxdı və gördü ki, bunlar hamısı yalan, böhtan, iftiradır. Mehdi Hüseynin birdən-birə dünyasını dəyişməsinin səbəbkarı Süleyman Rəhimov olubsa, Nəbi Xəzri gəlib ona şillə vurubsa, axırıncı qurultayda Tahir Salahovun bacısı Zərifə Salahova atasına şər atdığına görə Şamo Arifə şillə vurubsa və bu adam bunların hamısını danırsa, onunla nə danışmaq olar? . Anar müəllim bunu edə bilməz”.
“Anar müəllim niyə bunları çıxıb debatda demir” sualımıza isə Ə.Əsgəroğlunun cavabı belə oldu: “Anar müəllim belə aşağı səviyyəli adamlarla debata çıxsa, yazıçılar onu bağışlamaz”.
Mətbuat katibi onu da bildirdi ki, belə böhtan yazılarına görə, Yazıçılar Birliyi Şamo Arifi bu qurumun üzvlüyündən çıxarıb: “2004-cü ildə biz yığışdıq, səsə qoyduq. Həmin ildən biz onu Yazıçılar Birliyinin üzvü hesab etmirik”.
Ş.Arifin üzvlükdən çıxarılması barədə rəsmi qərarın olub-olmamasına gəlincə, Ə.Əsgəroğlu bu barədə dəqiq məlumatının olmadığını bildirdi.
Gültəkin/ “Azadlıq” qəzeti
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Üzeyir bəy portretinin çəkilməsinə niyə razılıq vermədi? - Konservatoriyanı "aldadan" rəssam haqqında
12:00
19 dekabr 2025
Buninin yazışdığı, Yüngerin heyran qaldığı azərbaycanlı qadın yazıçı - O, Ramiz Abutalıbova nə vəsiyyət etmişdi?
10:00
18 dekabr 2025
"Bu xəstəxanada hamı ləng hərəkət edir" - Vaqif Mustafazadə hansı konsertindən sonra vəfat etdi?
12:00
16 dekabr 2025
Şamda yanğın gecəsi - Mehdi Dostəlizadənin yeni hekayəsi
10:00
16 dekabr 2025
"Səttar bu günahlı dünyanın günahsız uşağıydı..." - Rəsmi dairələr niyə rəssama mənəvi təzyiq göstərirdi?
16:30
15 dekabr 2025
“Bir şeiri də cırıb atdım, uçdu kağız parçaları" - Ramiz Rövşənin ən böyük sirri
10:00
15 dekabr 2025
