Mayın 31-də Ankara Dövlət Opera və Balet Teatrında Üzeyir Hacıbəylinin anadan olmasının 140 illiyi ilə əlaqədar Azərbaycan-Türkiyə opera sənətçilərinin iştirakı ilə “Zəfər dastanı: Çanaqqaladan Qarabağa” adlı qala-konsert keçiriləcək.
Kulis.az xəbər verir ki, Ankaradakı Azərbaycan Mədəniyyət Mərkəzinin Türkiyə Mədəniyyət və Turizm Nazirliyinin Opera və Balet Baş İdarəsi ilə birgə layihəsi əsasında keçirilməsi planlaşdırılan konsert proqramında Üzeyir Hacıbəylinin əsərləri ilə yanaşı, Türkiyə bəstəkarlarının da bir neçə əsəri ifa olunacaq.
Konsert proqramını Ü.Hacıbəyli adına Azərbaycan Dövlət Simfonik Orkestrinin dirijoru Mustafa Mehmandarov və Türkiyə tərəfdən Rüstem Rahmedov idarə edəcəklər.
Qeyd edək ki, ifaçılar sırasında Azərbaycanın Xalq artistləri Azər Zeynalov, Samir Cəfərov, Fidan Hacıyeva, Türkiyənin tanınmış opera müğənniləri Güner Erkan, Ece İşcan, Yiğitcan Tatlıoğlu, və Beste Şahin yer alacaq.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər