Rafiq Hüseynov dəfn olunub - YENİLƏNİB

Rafiq Hüseynov dəfn olunub - <span style="color:red;">YENİLƏNİB
3 noyabr 2017
# 14:02

Xalq artisti, diktor Rafiq Hüseynov dəfn olunub.

APA-nın məlumatına görə, o, Yasamal qəbiristanlığında torpağa tapşırılıb.

***

12.04

Dövlət Mahnı Teatrında Azərbaycanın xalq artisti, məşhur diktor Rafiq Hüseynovla vida mərasimi keçirilib.

APA-nın məlumatına görə, vida mərasimində mərhumun ailə üzvləri, mədəniyyət və incəsənət xadimləri, nazirlər, ictimaiyyət nümayəndələri iştirak edib.

Professor İlham Rəhimli Rafiq Hüseynov haqqında xatirələrini bölüşüb, onun Azərbaycan televiziyasının inkişafındakı xidmətlərindən danışıb.

İlham Rəhimli bildirib ki, Rafiq Hüseynov 17 yaşından ömrünü televiziyaya bağlayıb: "Efirə çıxandan bir həftə sonra isə bütün Azərbaycanda məşhur oldu. O, qısa müddətdə peşəkar diktor səviyyəsinə yüksəldi. Onda qəribə cazibə, qərib işıq var idi. Qısa müddətdə Azərbaycan ziyalısının simasına çevrildi. Onda Qarabağdan gəlmə ağayanalıq vardi. İnsan onun peşəkarlığına, ustalığına heyran qalırdı. Rafiqə dəfələrlə Moskvada qalıb işləməyi təklif etmişdilər. Amma o, Azərbaycansız, Bakısız, Şuşasız yaşaya bilmirdi. Adi işıqçılıqdan sədr müavininə qədər yüksəldi. Rafiq Hüseynov Azərbaycan televiziya mədəniyyətinin, ağayanalığının bünövrəsini qoyan şəxsiyyətlərdən idi".

Xalq artisti, rejissor Ramiz Həsənoğlu Rafiq Hüseynovun xatirəsinin insanların yaddaşında daim yaşayacağına əminliyini bildirib.

Xalq artistləri Əli Məmmədov, Eldost Bayram, əməkdar artistlər Gülşən Əkbərova, Nərgiz Cəlilova, Rafiq Haşımov Rafiq Hüseynovu böyük dost, əvəzsiz televiziya xadimi kimi dəyərləndiriblər.

Qeyd olunub ki, Rafiq Hüseynov televiziya sahəsində məktəb yaradan insanlardan biri olub. Onun yetişdirdiyi tələbələr bu gün Azərbaycan teleməkanının simasına çevriliblər. Rafiq Hüseynovun açdığı cığır sonradan böyük yola çevrildi, televiziya və radioya özündən sonra böyük nəsil bəxş etdi.

Vida mərasimi başa çatdıqdan sonra Rafiq Hüseynovun cənazəsi dəfn olunmaq üçün Yasamal qəbiristanlığına aparılıb.

Qeyd edək ki, Rafiq Hüseynov Almaniyanın Düsseldorf şəhərindəki klinikalardan birində oktyabrın 26-da dünyasını dəyişib. O, xərçəng xəstəliyindən əziyyət çəkirdi.

Məşhur diktor 1946-cı ildə Şuşada anadan olub.

Ağciyər xərçəngindən əziyyət çəkən xalq artisti bir neçə dəfə Türkiyədə əməliyyat olunub, kimyaterapiya müalicəsi alıb.

***

09.17

Azərbaycanın xalq artisti, məşhur diktor Rafiq Hüseynovla vida mərasimi keçirilir.

APA-nın məlumatına görə, Rəşid Behbudov adına Dövlət Mahnı Teatrında təşkil olunan vida mərasimində mərhumun ailə üzvləri, mədəniyyət və incəsənət xadimləri, ictimaiyyət nümayəndələri iştirak edir.

Vida mərasimi saat 12:00-dək davam edəcək.

Qeyd edək ki, Rafiq Hüseynov Almaniyanın Düsseldorf şəhərindəki klinikalardan birində oktyabrın 26-da dünyasını dəyişib. O, xərçəng xəstəliyindən əziyyət çəkirdi.

Məşhur diktor 1946-cı ildə Şuşada anadan olub. Ağciyər xərçəngindən əziyyət çəkən xalq artisti bir neçə dəfə Türkiyədə əməliyyat olunub, kimyaterapiya müalicəsi alıb.

# 1598 dəfə oxunub

Oxşar xəbərlər

Erməni ssenaristi Bakıdan qovan, gizlincə dəfn edilən Xalq artisti kimdir?

Erməni ssenaristi Bakıdan qovan, gizlincə dəfn edilən Xalq artisti kimdir?

18:38 18 sentyabr 2025
"Düşməni söyməklə Vətənə sevgi oyadanlar - "Ədəbiyyat" dərsliyi niyə bu gündədir?

"Düşməni söyməklə Vətənə sevgi oyadanlar - "Ədəbiyyat" dərsliyi niyə bu gündədir?

18:30 18 sentyabr 2025
Üzeyirin musiqisini duyan gənc  -  Fikrət Əmirov Ərtoğrol Cavid haqqında nə yazmışdı?

Üzeyirin musiqisini duyan gənc - Fikrət Əmirov Ərtoğrol Cavid haqqında nə yazmışdı?

18:00 18 sentyabr 2025
Xalq artisti Sərdar Fərəcov xəstəxanadan evə buraxıldı

Xalq artisti Sərdar Fərəcov xəstəxanadan evə buraxıldı

17:50 18 sentyabr 2025
Londonda Fələstinə dəstək konserti: 1,7 milyon avro ianə toplandı

Londonda Fələstinə dəstək konserti: 1,7 milyon avro ianə toplandı

17:45 18 sentyabr 2025
Ankarada Üzeyir Hacıbəylinin irsinə həsr edilən təqdimat və konsert keçirilib

Ankarada Üzeyir Hacıbəylinin irsinə həsr edilən təqdimat və konsert keçirilib

17:44 18 sentyabr 2025
Ana səhifə Yazarlar Bütün xəbərlər