Kürd kinosu və teatrının görkəmli nümayəndəsi, aktyor, rejissor və mədəniyyət xadimi Muzaffar Şafei (Mozaffar Shafeie) uzun sürən xəstəlikdən sonra 70 yaşında Ankarada vəfat edib.
Kulis.az xəbər verir ki, bu barədə məlumatı onun ailəsi ictimaiyyətə açıqlayıb.
1956-cı ildə Mahabadda anadan olan Muzaffar Şafei təhsilini Londondakı Dartinqton İncəsənət Kollecində tamamlayıb.
O, 1986-cı ildə Londonda Kürd Mədəniyyət Mərkəzinin təsisçilərindən biri olub.
Karyerası ərzində 30 il "BBC World Service"in fars bölməsində aparıcı, tərcüməçi və diktor kimi fəaliyyət göstərən sənətçi 1990-cı ildə Böyük Britaniya Kral Milli Teatrında səhnəyə çıxan ilk kürd aktyor kimi tarixə düşüb.
O, “HBO” istehsalı olan "House of Saddam", Kolin Farrell ilə birgə rol aldığı "Triage" və "Son of the Pink Panther" kimi beynəlxalq kinolayihələrdə yer alıb, həmçinin "Top Gear" verilişinin fars versiyasında Ceremi Klarksonu səsləndirib.
Yaponiyada "NHK World Radio"da çalışan və Tokioda "Intrigue Theatre" teatrını quran usta sənətçi kürd mədəniyyətinin beynəlxalq aləmə inteqrasiyasına mühüm töhfələr verib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər