TEAS PRESS Nəşriyyat Evinin təşkil etdiyi gənclərin roman müsabiqəsinin ilkin seçim mərhələsi başa çatıb.

Kulis.az xəbər verir ki, TEAS Press Nəşriyyat Evinin gənc yazıçılara dəstək məqsədilə təşkil etdiyi “Gənclərin roman müsabiqəsi”nin ilkin seçim mərhələsinin nəticələri açıqlanıb. Üç ay ərzində gənc yazıçılar tərəfindən təqdim olunan əsərlər peşəkar münsifilər heyəti tərəfindən oxunaraq qiymətləndirilib və əvvəlcədən elan edilmiş meyarlara uyğun gələn “uzun siyahı” (10 əsər) müəyyən olunub. Həmin əsərlər bunlardır (sıralama şərtidir):

1. Abbaszadə Əfrail (“Mənguberdi”)

2. Əliyev Davud (“Aya baxan gözlər”)

3. Əşrəfov Əşrəf (“Gecənin ən qaranlıq anı”)

4. Həmzəyev Seymur (“Nikolas Bonnet – Şərqə aparan hekayə”)

5. İsmayılov Elay (“Günah kolleksioneri”)

6. İsmayılov Pərvin (“Xanədan”)

7. Qəhrəmanov Hüseyn (“İxtisassız psixoloq”)

8. Məhərrəmli Fərid (“Setrali”)

9. Suvarov Nurlan (“Tabu”)

10. Zeynallı Aytəkin (“Qəlbin iblisləri”)

Müsabiqənin ikinci mərhələsinin nəticələri – “qısa siyahı” (5 əsər) yaxın günlərdə ictimaiyyətə açıqlanacaq. Qeyd edək ki, TEAS Press Nəşriyyat Evinin bu layihəni həyata keçirməkdə əsas məqsədi ölkəmizdə milli ədəbiyyatın zənginləşdirilməsindən, ümumbəşəri dəyərləri təbliğ edən mövzuların roman janrı vasitəsilə oxuculara çatdırılmasından və ədəbi rəqabət mühitinin inkişafına təkan verərək, yeni imzaların üzə çıxmasına şərait yaratmaqdan ibarətdir.

Müsabiqənin yekun mərhələsində isə iştirakçılar arasından üç qalib seçiləcək və onlar ümumi qaydaya uyğun olaraq mükafatlandırılacaqlar. I yerin sahibinə 2000 (iki min) AZN pul mükafatı veriləcək. Həmin əsər TEAS Press Nəşriyyat Evi tərəfindən çap olunacaq və “LIBRAFF” kitab mağazaları şəbəkəsində təqdimatı keçiriləcək. II yerin sahibinə 1500 (min beş yüz) AZN, III yerin sahibinə 1000 (min) AZN pul mükafatı veriləcək.

• Ruhun dirilişi və insan ləyaqətinin qayıdışı - Günah yalnız bir nəfərin boynundadırmı?
• Məşhur rəssam vəfat etdi
• ABBA-nın üzvü vəfat etdi