Yanvarın 23-dən 30-dək Romanın Medina Art Galereyasında azərbaycanlı gənc rəssamların “Mədəni diplomatiya sənəti - Sülh naminə incəsənət" (Art of Cultural Diplomacy-Art for Peace) adlı qrup sərgisi açılacaq. Sərgi Azərbaycanın İtaliyadakı səfirliyi, səfirliyin nəzdində fəaliyyət göstərən Azərbaycan Mədəniyyət Mərkəzi və "Dirçəliş" Gənclərin Sosial-Psixoloji Reabilitasiya Mərkəzinin təşkilatçılığı ilə keçiriləcək.

Kulis.az xəbər verir ki, sərgidə 22 gənc rəssam iştirak edəcək və onların 57 rəsm əsəri ilə yanaşı, gənc heykəltaraş Kənan Həsənquliyevin "Qarabağ cəngavəri" adlı heykəli də nümayiş olunacaq.

Sərginin məqsədi Azərbaycanın gənc rəssamlarının istedadını italyanların və İtaliyada olan turislərin diqqətinə çatdırmaqdır.

• Ədəbsiz, aşağı səviyyəli əyləncə - Tolstoy Şekspirə niyə nifrət edirdi?
• "Ulucayın məqsədi nə ölümü, nə də səbəbini göstərməkdir" - Mətanət Vahid
• “Yaxın Şərq, uzaq Qərb” adlı Kiyev biennalesi açıldı

Sərginin açılış mərasimi yanvarın 24-də keçiriləcək. Sonda iştirakçı rəssamların hər birinə səfirlik tərərfindən sertifikatlar təqdim olunacaq.

Qeyd edək ki, bu, Dirçəliş" Gənclərin Sosial-Psixoloji Reabilitasiya Mərkəzinin İtaliyada sayca üçüncü sərgisidir. Mərkəz tərəfindən bu ölkədə təşkil olunan ilk sərgi 2012-ci ildə Romada, ikinci sərgisi isə 2014-cü ildə Milanda açılıb.

• Ədəbsiz, aşağı səviyyəli əyləncə - Tolstoy Şekspirə niyə nifrət edirdi?
• "Ulucayın məqsədi nə ölümü, nə də səbəbini göstərməkdir" - Mətanət Vahid
• “Yaxın Şərq, uzaq Qərb” adlı Kiyev biennalesi açıldı