Xalq artisti Yasin Qarayev Mədəniyyət Nazirliyinə açıq məktub yazaraq Gənc Tamaşaçılar Teatrının rejissoru, Əməkdar artist Nicat Kazımovun baş rejissor təyin edilməsini xahiş edib.

Kulis.az sözügedən məktubun mətnini təqdim edir:

"Azərbaycan Dövlət Mədəniyyət naziri Cənab Adil Kərimliyə Xalq artisti Yasin Qarayev tərǝfindən

Müraciət

Hörmətli Adil müəllim!

Azərbaycan Respublikasının Əməkdar artisti Nicat Kazımov 30 ildən çoxdur ki, Gənc Tamaşaçılar Teatrınında aktyor və rejissor kimi fəaliyyət göstərir. Bu illər ərzində o, saysız-hesabsız tamaşalara quruluşlar vermiş və çox böyük uğurlar qazanmışdır. 2007-ci ildə quruluş verdiyi "Pəri cadu" tamaşasi ilk dəfə Mədəniyyət Nazirliyinin təsis etdiyi "Zirvə" mükafatına layiq görülüb. Nicat Kazımovun müxtəlif dövlət tədbirlərində verdiyi quruluşlar da ictimaiyyət tərəfindən həmişə rəğbətlə qarşılanıb...

Teatrımızın kollektivi Nicat Kazımovu yüksək intellektə və zəngin təcrübəyə malik olan bir rejissor kimi çox sevir. Bu gün kollektivin hər bir üzvü teatrımızda Nicat Kazımovu baş rejissor vəzifəsində görmək arzusundadır.

Cənab nazir, bu arzunun reallaşması sizdən asılıdır".

Qeyd edək ki, mayın 13-də Mədəniyyət naziri Adil Kərimlinin əmrinə əsasən, Gənc Tamaşaçılar Teatrının baş rejissoru Mehriban Ələkbərzadə Akademik Milli Dram Teatrına bədii rəhbər təyin edilib.

• Çılpaqlar düşərgəsinə gedən, iki rəfiqə ilə məktublaşan yazıçı - O, Fələstində kiminlə restoran açmaq istəyirdi?
• Şərif Ağayarla görüş keçiriləcək - LAÇINDA
• "Bütün kişiləri döyüb apardılar" - Səfərovlar ailəsinə sübh tezdən edilən basqının təfərrüatları