"Təklif edirəm ki, Azərbaycan Yazıçılar Birliyinin adını Azərbaycanda Yazıçılar və Şairlər Birliyi qoysunlar"

Kulis.az xəbər verir ki, bu sözləri meyxanaçı Rüfət Nasosnu deyib.

"Çünki AYB-yə yazıçılarla yanaşı şairlər də, qəzəlxanlar da üzvdür. Ola bilər, əvvəllər adı belə olub, buna görə də indiyə qədər dəyişdirilməyib. AYB-yə üzv olmaq mənim də istəyimdir. Çalışıram ki, şeiriyyata geniş yer verim. Meyxana deyənin Azərbaycan Yazıçılar Birliyinin üzvü olması qeyri-adi hadisə deyil. Məndən əvvəl də üzv olanlar olub."

Meyxanaçının sözlərinə görə, o, AYB üzvü Elza Seyidcahanın şeirlərindəki fəlsəfi məqamları tuta bilmir.

"Elza Seyidcahanın AYB-yə üzv olması birmənalı qarşılanmadı. Çox etirazlar oldu. Bəziləri AYB-ni qeyri-ciddi qurum adlandırdı. Hətta bir neçə nəfəri ittiham etdilər ki, onların təkidi ilə Elza Seyidcahan AYB-yə qəbul edilib. Elza xanımın bəstələri superdir. Musiqi zövqü, mahnıdan anlayışı olan biri kimi Elza xanımın mahnılarına qulaq asıram. Elə mahnıları var ki, zövq alıram. Şeirləri isə... Özü deyir ki, şeirlərində fəlsəfə var. Mən də ali məktəbdə fəlsəfə dərsi keçmişəm. Yəqin, Elza xanımın dediyi mənim keçdiyim fəlsəfədən deyil, başqa fəlsəfədir, mən onu tapa bilmirəm. Bəlkə, bunun üçün dahi filosof olmaq lazımdır?" Pravda

• "Biz bütün səadətimizi dörd gündə yaşadıq..." - "Əcəl zəngi"ndən bir hissə
• "Uşaqlıqdan məhrum qaldığı sevginin süni surəti..." - "Parfümer" xoreodramına baxış
• Belə günlərdən biri - Qabriel Qarsia Markesin hekayəsi