Məşhur romanın üçüncü hissəsi çapdan çıxdı

Məşhur romanın üçüncü hissəsi çapdan çıxdı
27 fevral 2024
# 13:00

Bircənin məşhur “Cəhənnəmdən keçmiş mələk” adlı avtobioqrafik romanının üçüncü bölümü (“Cəhənnəmdən cəhənnəmə”) kitab şəklində nəşr olunub.

Kulis.az xəbər verir ki, əsərin birinci bölümü (“Yaranış”) 2017-ci, ikinci bölümü (“Cəhənnəm”) 2018-ci ildə ayrıca kitab kimi işıq üzü görmüşdü.

Yaxın aylarda əsərin dördüncü bölümünü də kitab formatına salmaq nəzərdə tutulub.

Əvvəlki cildlər kimi üçüncü bölüm də “Elm və təhsil” nəşriyyatında çapdan çıxıb. Kitab Bircə yaradıcılığının diqqətli izləyicisi və tədqiqatçısı, Ağdaş rayonunun Ləki qəsəbəsində yerləşən 6 saylı tam orta məktəbin dil-ədəbiyyat müəllimi Səbuhi Abdullayevin “Cəhənnəmi yaradan mələklər” adlı ön sözü ilə açılır. Son söz yerinə müəllifin 2021-ci ilin fevral ayında Kulis.az saytında dərc olunmuş “Mənim yazdıqlarımda hər qadının bir tikəsi var” başlıqlı müsahibəsi verilib.

Kitabda “Cəhənnəmdən keçmiş mələk” romanının üçüncü bölümündən savayı müəllifin əsərə əlavələr silsiləsindən (bu silsilədən olan yazılar əsərdəki real personajların romandakı zaman hüdudundan sonrakı taleyindən bəhs edir) qələmə aldığı “Atamın vəsiyyəti” və “…öl içində” adlı bioqrafik hekayələr də salınıb.

Üçüncü kitab 760 səhifə həcmindədir, satış qiyməti 10 manatdır. Kitabı əldə eləmək istəyənlər “Libraff” mağazalar şəbəkəsinə müraciət edə, yaxud 055 781 50 79 nömrəli telefona zəng vurmaqla sifariş verə bilərlər.

“Cəhənnəmdən keçmiş mələk” romanından parçalar 2016-2019-cu illər arası Kulis.az, onunla paralel qaydada Novator.az portalında ardıcıl dərc olunub. Əsər virtual aləmdə çox böyük oxucu kütləsi toplayıb. Müəllifin romana əlavələr silsiləsindən qələmə aldığı yazıların dərci də sonrakı illərdə adı çəkilən saytlarda davam etdirilib.

Bunu da vurğulayaq ki, Bircənin indiyədək dörd bölümü dərc olunmuş romanı bitməyib, qarşıda oxucuları əsərin hələ işıq üzü görməmiş beşinci bölümü gözləyir.

“Cəhənnəmdən keçmiş mələk” romanının redaktoru yazıçı Fəxri Uğurludur.

# 3487 dəfə oxunub

Oxşar xəbərlər

Rəşad Məcidə ağır itki üz verdi

Rəşad Məcidə ağır itki üz verdi

10:33 15 noyabr 2026
Deyv Qrolun qızı “Aclıq oyunları” üçün yeni mahnı yazdı – “Metal Birds” təqdim edildi

Deyv Qrolun qızı “Aclıq oyunları” üçün yeni mahnı yazdı – “Metal Birds” təqdim edildi

17:46 14 noyabr 2026
“Blink-182”, “Evanescence” və “Bring Me The Horizon”  ilk dəfə Dounload Festivalının əsas səhnəsinə çıxacaq

“Blink-182”, “Evanescence” və “Bring Me The Horizon” ilk dəfə Dounload Festivalının əsas səhnəsinə çıxacaq

16:55 14 noyabr 2026
Stivi Uander səhnədən Maklemoru müdafiə etdi: “İstəyirsinizsə, məni də qadağan edin”

Stivi Uander səhnədən Maklemoru müdafiə etdi: “İstəyirsinizsə, məni də qadağan edin”

16:01 14 noyabr 2026
Rozaliya üçüncü dəfə “Latin Grammy”nin ən böyük mükafatını qazandı

Rozaliya üçüncü dəfə “Latin Grammy”nin ən böyük mükafatını qazandı

14:12 14 noyabr 2026
Uşaqlara pis nümunə göstərməkdə ittiham olunurdu – "Uzuncorab Peppi" niyə bu qədər etiraz doğurmuşdu?

Uşaqlara pis nümunə göstərməkdə ittiham olunurdu – "Uzuncorab Peppi" niyə bu qədər etiraz doğurmuşdu?

14:00 14 noyabr 2026
#
#
Ana səhifə Reels Yazarlar Xəbərlər