"Migos" qrupunun keçmiş üzvü reper Offset pərəstişkarlarını qorxuya salıb.
Kulis.az xəbər verir ki, 34 yaşlı sənətçi ötən axşam Florida ştatında bir otelin yaxınlığında güllələnib.
Hadisədən sonra xəstəxanaya çatdırılan reperin vəziyyəti ilə bağlı onun nümayəndəsi açıqlama verib. Bildirilib ki, Offset hazırda müalicə alır, vəziyyəti stabildir və həkim nəzarətində saxlanılır.
Seminol Polis Departamenti tərəfindən yayılan məlumatda qeyd olunub ki, polis əməkdaşları saat 19:00-dan sonra otelin valet xidmətinin yerləşdiyi ərazidə baş verən insidentə müdaxilə edib və bir nəfərin yaralandığı müəyyən edilib. Yaralının həyati təhlükəsinin olmadığı bildirilib.
Hadisə yerinə dərhal müdaxilə olunduğu, vəziyyətin nəzarətə götürüldüyü açıqlansa da, insidentin detalları hələlik tam açıqlanmayıb. Faktla bağlı istintaq davam edir və iki nəfərin saxlanıldığı bildirilir.
Qeyd edək ki, "Migos" qrupunun üzvü kimi tanınan Offset “Versace” və “Bad and Boujee” kimi hitlərlə məşhurlaşıb. Qrup 2022-ci ildə dağılarkən, üzvlərdən Teykoff silahlı hücum nəticəsində həyatını itirmişdi.
Solo karyerasını davam etdirən reper “Clout” və “Ric Flair Drip” kimi mahnılarla gündəmdə qalır. Onun keçmiş həyat yoldaşı Kardi Bi ilə münasibəti də uzun müddət medianın diqqət mərkəzində olub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər