Mona Kastenin romanları əsasında ekranlaşdırılan "Makston Holl" serialının ikinci sezonunun çəkilişlərinə başlanılıb.
Kulis.az xəbər verir ki, bu barədə serialın baş obrazı Rubi Belli canlandıran aktrisa Harriet Herbiq-Matten öz sosial şəbəkə hesablarında məlumat paylaşıb.
Aktrisa treylerdən bir kadr paylaşıb. İkinci sezonun süjeti və yayım tarixi hələlik naməlumdur.
"Makston Holl" Mona Kastenin romanları əsasında ekranlaşdırılan almandilli dramdır. Trilogiyanın əsas qəhrəmanı İngiltərənin ən prestijli məktəblərindən birinə daxil olmağı bacaran orta imkanlı Rubi Belldir. Onun təkcə bir arzusu var - təhsilini uğurla tamamlayıb Oksforda daxil olmaq. Buna görə sevgi münasibətlərindən və özündənrazı sinif yoldaşlarından uzaq qaçmağa çalışır. Amma Ceyms Bofort adlı sinif yoldaşının sirrini öyrənəndən sonra hər şey dəyişir...
Qeyd edək ki, 1992-ci ildə anadan olmuş Mona Kasten Almaniyanın ən məşhur gənc yazıçılarındandır. Onun "Məni xilas et", "Özünü xilas et" və "Bizi xilas et" romanlarından ibarət trilogiyası təkcə Almaniyada iki milyon tirajla satılıb.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər