Bir dövrün ən məşhur seriallarından olan "Kurtlar vadisi" ilə yadda qalan məşhur yalı satışa çıxarılıb.
Kulis.az xəbər verir ki, serialda konseyin gizli görüşlərinə ev sahibliyi edən, İstanbul boğazının Üsküdar Kandilli sahilində yerləşən Abud Efendi Yalısı artıq satışa təqdim olunub.
1835–1855-ci illər arasında Osmanlı saray memarlığının görkəmli nümayəndələrindən olan Qarabet Balyan tərəfindən inşa edilən bu yalı özünəməxsus memarlıq üslubu ilə seçilir. Məlumata görə, tikilinin 15,23 faizlik hissəsi 170 milyon TL qiymətlə satışa çıxarılıb.
1900-cü ildə Mehmet Abud Əfəndi tərəfindən satın alınan yalı uzun müddət Abud ailəsinin iqamətgahı olub və 1981-ci ilə qədər istifadə edilib. Tikili simmetrik pəncərə quruluşu, cumbalı hissələri və Boğaza açılan geniş terrası ilə diqqət çəkir.
Təxminən 1500 kvadratmetr sahədə yerləşən yalı 270 kvadratmetr baza sahəsinə və ümumilikdə 540 kvadratmetr istifadə sahəsinə malikdir. Aşağı mərtəbədə iki ayrı qayxana yerləşir, yuxarı mərtəbə isə yarı düzbucaqlı plan üzrə formalaşdırılıb.
Boğazın seçilən tarixi tikililərindən biri hesab olunan yalı ikimərtəbəli taxta konstruksiyası, ağ fasadı və qırmızı kirəmitli dam örtüyü ilə memarlıq baxımından da xüsusi əhəmiyyət daşıyır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər