Türkiyəli müğənni İbrahim Tatlısəsin qardaşı Hüseyn Tatlı Antalyada konsert verdiyi məkandan qayıdarkən mindiyi taksinin sürücüsü ilə mübahisə etdikdən sonra həbs olunub.

Kulis.az xəbər verir ki, onun konsertdən sonra taksi ilə otelə gəldiyi və pulu ödəmədiyi iddia olunub. İkili arasında taksi pulu üstündə yaranan mübahisə davaya çevrilib. Zərbəni alan taksi sürücüsü yerə yıxılarkən, taksi sürücüsünün dostları Tatlı otelə doğru hərəkət edərkən ona təpik və yumruq zərbələri ilə hücum ediblər. 3 nəfərin hücumuna məruz qalan Hüseyn Tatlının ayağının və barmağının sındığı bildirilib.

Müalicəsi başa çatdıqdan sonra taksi sürücüsünün şikayəti əsasında Hüseyn Tatlı polis tərəfindən saxlanılıb. Taksi sürücüsü başından aldığı zərbədən sonra gecə boyu reanimasiyada müşahidə altında qalıb. Hüseyn Tatlı taksi sürücüsünün həyatının təhlükədə olduğu səbəbilə həbs edilib.

• “Mavi dənizin sahilində” filminin 90 yaşı tamam olur
• "Birini o zaman unudursan ki, artıq başqasını qısqanmağa başlayırsan" - Orxan Həsəninin essesi
• "Game of Thrones" aktyoru dünya rekordu qırdı

Hadisə ilə bağlı Tatlının həyat yoldaşı Aslıhan Tatlı açıqlama verib. O bildirib ki, həyat yoldaşına hücum olunub və bədənində qırıqlar var.

• “Mavi dənizin sahilində” filminin 90 yaşı tamam olur
• "Birini o zaman unudursan ki, artıq başqasını qısqanmağa başlayırsan" - Orxan Həsəninin essesi
• "Game of Thrones" aktyoru dünya rekordu qırdı