I Gənc mədəniyyət müxbirləri məktəbinə start verildi

I Gənc mədəniyyət müxbirləri məktəbinə start verildi
19 aprel 2024
# 15:00

Azərbaycan Mətbuat Şurası, Bakı Dövlət Universitetinin Jurnalistika fakültəsi və “525-ci qəzet”in birgə təşkilatçılığı ilə I Gənc mədəniyyət müxbirləri məktəbi layihəsinə start verilib.

Kulis.az xəbər verir ki, layihənin məqsədi mədəniyyət sahəsi üzrə püxtələşmək arzusunda olan tələbələrin inkişafına təkan verməkdir. Layihə çərçivəsində hal- hazırda sözügedən istiqamətdə imzası tanınan, praktiki cəhətdən daha hazırlıqlı şəxslərin təlimçi qismində tələbələrlə söhbəti, həmin tələbələrin mədəni-kütləvi tədbirlərə cəlb olunması, öyrəndiklərini tətbiq etmək üçün müxtəlif tip materialların hazırlanması və işıqlandırılması, sonda isə I Gənc mədəniyyət müxbirləri məktəbinin xüsusi sertifikatının verilməsi nəzərdə tutulur.

Layihənin koordinatoru, “525-ci qəzet”in mədəniyyət şöbəsinin müdiri, gənc nasir Nadir Yalçın I Gənc mədəniyyət müxbirləri məktəbinin qarşıya qoyduğu məsələlər barədə tələbələrə məlumat verib.

Gənc mədəniyyət müxbirləri məktəbinin təlimçi qismində ilk qonağı “Ulduz” jurnalının baş redaktoru, Əməkdar jurnalist, tanınmış şair Qulu Ağsəs olub. Peşəkar jurnalist olmaq üçün böyük zəhmət və əzmlə yanaşı, digər zəruri keyfiyyətlərdən söhbət açan Q.Ağsəs mətbuat sahəsindəki fəaliyyət dövründən bəhs edib. Təcrübədən keçirdiyi proseslərdən bəhs edən Əməkdar jurnalist “Yaxşı mədəniyyət müxbiri necə olmalıdır?” sualı ətrafında tezislərlə çıxış edib.

Diskussiya formatında davam edən görüşdə tələbələrin müxtəlif suallarını cavablandıran təlimçi auditoriyanın enerjisini və fəallığını yüksək qiymətləndirib, hər kəsə uğurlar arzulayıb.

“Udluz” jurnalının nəsr şöbəsinin müdiri, şair Taleh Mansur da görüşdə iştirak edib.

Qeyd edək ki, jurnalın müxtəlif nümunələrini tələbələrə təqdim edən T.Mansur “Ulduz”un fəaliyyət istiqamətləri barədə auditoriyaya məlumat verib.

# 359 dəfə oxunub

Oxşar xəbərlər

Qadın alpinist:  "“Dağda ayı ilə qarşılaşdım” - Müsahibə

Qadın alpinist: "“Dağda ayı ilə qarşılaşdım” - Müsahibə

21:00 24 may 2024
“Mən fəxr edirəm ki, azərbaycanlıyam”  kitabının təqdimatı keçirildi

“Mən fəxr edirəm ki, azərbaycanlıyam” kitabının təqdimatı keçirildi

18:50 24 may 2024
Öpürəm onları gizlicə - Nigar Rəfibəyli

Öpürəm onları gizlicə - Nigar Rəfibəyli

18:00 24 may 2024
Uşaq Kitabxanasına ekskursiya təşkil edildi

Uşaq Kitabxanasına ekskursiya təşkil edildi

17:30 24 may 2024
Mədəniyyət Nazirliyi Tofiq Mövləvinin vəfatı ilə bağlı nekroloq yaydı

Mədəniyyət Nazirliyi Tofiq Mövləvinin vəfatı ilə bağlı nekroloq yaydı

17:16 24 may 2024
Xalq artisti vəfat etdi

Xalq artisti vəfat etdi

16:38 24 may 2024
#
#
# # #