"Hiss edirəm ki, o, hələ də yanımdadır"

Media

Ana səhifə
Media

"Hiss edirəm ki, o, hələ də yanımdadır" - Dilarə Əliyeva

22 oktyabr 2024

15:45

Əməkdar artist Dilarə Əliyeva mərhum həyat yoldaşı, "Soy" prodakşının rəhbəri Oqtay Əliyevdən danışıb.

Kulis.az xəbər verir ki, aktrisa bu haqda "Qapqara" yutub layihəsində danışıb. O, mərhum həyat yoldaşı haqda sualları cavablandırıb:

"Birlikdə 30 il ömür yaşadıq. Onun gedib-gələn nəfəsini, hər hansısa bir addımımda hansı reaksiya verəcəyini və ya verdiyini, belə anda o, nə deyərdini o qədər yaxşı hiss edirəm ki... O mənim enerjimdə hər kəsə yansıya bilir. Bu sözü ilk dəfə sən dedin ki, (proqramın aparıcısı, aktyor Kamran Ağabalayevi nəzərdə turur - red.) mənə elə gəlir ki, Oqtay hələ də yanındadır. Bu fikri indiyə kimi səsləndirməmişəm. Sadəcə, özümü elə hiss edirdim".

Qeyd edək ki, Oqtay Əliyev 22 mart 2023-cü ildə 54 yaşında yol qəzasında dünyasını dəyişib. Onun idarə etdiyi “Lexus Lx470” markalı avtomobil yolun hərəkət hissəsindən çıxaraq aşıb. Qəza nəticəsində O.Əliyev vəfat edib, avtomobildə olan Xalq artisti Mehriban Zəki və Əməkdar artist Dilarə Əliyeva isə yüngül xəsarətlər alıb.