Azərbaycan Respublikası Mədəniyyət Nazirliyi və Azərbaycan Respublikasının Kino Agentliyi tərəfindən elan olunmuş 2025-ci il üzrə “Dövlət dəstəyi ilə istehsal ediləcək film layihələri” müsabiqəsinin reqlamenti açıqlanıb.

Kulis.az xəbər verir ki, reqlamentə əsasən müsabiqəyə layihələrin qəbulu 15 aprel-12 iyun 2025-ci il tarixləri ərəfəsində həyata keçiriləcək.

Müsabiqədə Azərbaycan Respublikasında qeydiyyatdan keçmiş müstəqil prodüser mərkəzləri və müvafiq sahədə fəaliyyət göstərən digər hüquqi şəxslər iştirak edə bilər.

3 mərhələdən ibarət müsabiqənin nəticələrinin 2 Avqust – Azərbaycan Kinosu Günündə elan edilməsi nəzərdə tutulur.

Qeyd edək ki, müsabiqə film istehsalının stimullaşdırılması və səmərəliliyinin yüksəldilməsi, yerli kinematoqrafçıların təcrübəsinin artırılması, kino sənayesinin və bu sahədə özəl sektorun dəstəklənməsi, müvafiq sahədə fəaliyyət göstərən hüquqi şəxslər arasında rəqabət qabiliyyətinin artırılması məqsədi ilə həyata keçirilir.

• Beynimizin içinə düşən sənətkar - Düşüncə keramikaya necə çevrilir?
• Labroides - Nahid Hacıyevin yeni hekayəsi
• Sumqayıt Teatrında premyera: "İrəvanda nəyim qaldı..."