Kulis.az Cəlil Cavanşirin yeni yazısını təqdim edir.

Tez-tez qarşımıza çıxan populyar yalanlardan biri də beyin potensialımızın istifadəsi ilə bağlıdır.

Bir çox kitabda, filmdə, podkastda, "psixoloq"ların, kouçların, motivatorların çıxışlarında bu tip fikirlərə rast gəlirik: "İnsan beyninin 10% faizini istifadə edir"(Bəzən 20, bəzən 40% deyənlər də var)

Bu mif kökündən yalandır.

Böyük ehtimalla hansısa hərdəmxəyal bunu uydurub, sonra dildən-dilə düşərək şəhər əfsanəsi kimi yayılıb.

Kimsə kitabına, kimsə araşdırmasına əlavə edib.

Şübhəsiz ki, bu yalan insanları ümidləndirmək üçün, motivasiya vermək üçün sərfəlidir.

Məsələn, hansısa uğursuz adam beyninin sadəcə 10%-ini işlədərək uğursuz olmasını təsəlli kimi qəbul edə bilər. Ancaq bu tamamilə ağ yalandır.

Bu barədə irəli sürülən hipotezlər, guya hansısa laboratoriya sınaqları uydurmadır.

Sizin uğursuzluğunuzun səbəbi beyninizin 10%-nin işləməsi ola bilməz, çünki sizin beyniniz tam gücü ilə, bütün hüceyrələri ilə işləkdir.

Aparılan araşdırmalar beynin müxtəlif hissələrinin bir-biri ilə qarşılıqlı əlaqədə olduğunu müəyyən edib. Beyində, ümumiyyətlə, yararsız və fəaliyyətsiz hissə mövcud deyil.

Bədən enerjisinin 20%-dən çoxunu istifadə edən bir orqanın 10%-nin işlək olması fikri cəfəngiyyatdır.

İnsan beyninin 10%-nin işlək olduğuna inananlar düşünür ki, yerdə qalan 90%-i də işlətsələr atomu parçalaya bilərlər. Əslində, belə bir inanc yanlışdır.

Beynimizin 100%-i işləkdir. Sadəcə, bu potensialdan daha səmərəli, daha məqsədyönlü və daha planlı istifadə etmək lazımdır.

• "Mən ucuz viski və keyfiyyətsiz jurnalist təhriflərinin doğurduğu uydurmayam" - Riçard Metison
• Söhrab Tahirin 100 illiyi münasibətilə tədbir təşkil olundu
• “Qeybolma” filminin çəkilişlərinə başlanıldı