“Bəzən bir ümid...” adlı fərdi sərgi açıldı

“Bəzən bir ümid...”  adlı fərdi sərgi açıldı
31 oktyabr 2024
# 18:40

Azərbaycan Rəssamlar İttifaqının dəstəyi ilə Fidan Hacıyeva adına Vokal Musiqi Məktəbində rəssam Səkinə Bağırovanın “Bəzən bir ümid...” adlı fərdi sərgisi açılıb.

Kulis.az xəbər verir ki, müxtəlif növ və janrlarda işləyən rəssamın yaradıcılığında lirik simvolizm, lirik dekorativizm üslubları səciyyəvidir. Sərgidə rəssamın 60-a yaxın rəngkarlıq, qrafika, batika və miniatür əsərləri yer alıb.

Səkinə Bağırova sərgidə nümayiş olunan işləri şəxsi yaradıcılıq yolunun xronikası kimi səciyyələndirib. Hər bir rəsm, qrafika və miniatürün həyatının müxtəlif dönəmlərini əks etdirdiyini – bunun həm həyat təcrübəsinin, həm də sənət baxımından keçdiyi yolun aydın izi olduğunu deyib.

Sonra Xalq artisti Fidan Hacıyeva və Əməkdar artist Fərid Əliyevin, o cümlədən “Metzo” orkestrinin ifasında klassik musiqi proqramı təqdim olunub.

Qeyd edək ki, sənətşünaslıq üzrə fəlsəfə doktoru olan Səkinə Bağırova 2008-ci ildən Dünya Xalq Yaradıcılıq Təşkilatının (International Organization of Folk Art - IOV) və 2009-cu ildən Azərbaycan Rəssamlar İttifaqının, 2023-cü ildən isə Azərbaycan Yazıçılar Birliyinin üzvüdür.

Rəssamın mənzərə, məişət və natürmort janrlarında çəkdiyi əsərlər dünyanın bir sıra sərgi salonlarında nümayiş olunub və ABŞ, Fransa, Almaniya, Ukrayna, Rusiya, Özbəkistan, Filippin, Türkiyə və Azərbaycanda şəxsi kolleksiyalarda saxlanılmaqdadır.

Fərdi sərgi noyabrın 8-dək davam edəcək.

# 2451 dəfə oxunub

Oxşar xəbərlər

Marina Abramoviçin  80 illiyinə həsr olunan böyük sərgi Romada açıldı

Marina Abramoviçin 80 illiyinə həsr olunan böyük sərgi Romada açıldı

18:39 18 noyabr 2026
ADU-da  “Azərbaycan-Özbək dili əlaqələri: tarixi və müasir müstəvidə”  adlı tədbir keçirildi

ADU-da “Azərbaycan-Özbək dili əlaqələri: tarixi və müasir müstəvidə” adlı tədbir keçirildi

17:42 18 noyabr 2026
Kembric Lüğəti 2026-cı ilin sözünü seçdi - "Human" nə deməkdir?

Kembric Lüğəti 2026-cı ilin sözünü seçdi - "Human" nə deməkdir?

17:19 18 noyabr 2026
Parfenonun itmiş heykəltəraşlıq kompozisiyası yenidən quruldu

Parfenonun itmiş heykəltəraşlıq kompozisiyası yenidən quruldu

16:46 18 noyabr 2026
Harvard  150 ildən sonra Braziliyaya iki kölə edilmiş insanın  qalıqlarını qaytardı

Harvard 150 ildən sonra Braziliyaya iki kölə edilmiş insanın qalıqlarını qaytardı

16:17 18 noyabr 2026
Məşhur reper məhkəmə qarşısına çıxacaq - Səbəb

Məşhur reper məhkəmə qarşısına çıxacaq - Səbəb

15:44 18 noyabr 2026
Ana səhifə Reels Yazarlar Xəbərlər