Filologiya üzrə fəlsəfə doktoru Aida Mirzəyevanın Azərbaycan ədəbiyyatının görkəmli nümayəndəsi, Xalq şairi Bəxtiyar Vahabzadənin anadan olmasının 100 illiyi münasibətilə gürcü dilində hazırladığı kitabı işıq üzü görüb.
Kulis.az xəbər verir ki, “Bəxtiyar Vahabzadə poeziyasında istiqlal ideyası” adlanan elmi monoqrafiyanı Tbilisidəki “Universal” nəşriyyatı çap edib.
Kitabın elmi redaktoru filologiya elmləri doktoru, professor Almaz Əliqızı, rəyçiləri isə professor Vaqif Sultanlı və dosent İradə Rəhmanovadır.
Monoqrafiyada Bəxtiyar Vahabzadənin poeziyasında istiqlal düşüncəsi, milli ruh, vətən sevgisi və azadlıq ideyalarının poetik və fəlsəfi təhlilinə yer verilir. Kitab daha öncə Azərbaycan, türk, Ukrayna, rus, ingilis və ərəb dillərində çıxıb. Müəllif deyib ki, onu müxtəlif kitabxanalara, ali təhsil müəssisələrinə və ədəbi dairələrə təqdim edəcək: “Məqsədim Bəxtiyar Vahabzadənin poeziyası əsasında milli kimlik, istiqlal və azadlıq ideyasını müxtəlif dillərdə və mədəniyyətlərdə yaşatmaqdan, ədəbi-mədəni dialoqu daha da genişləndirməkdən, şairin zəngin ədəbi irsinin beynəlxalq oxucu kütlələri arasında geniş şəkildə yaymaqdan ibarətdir”.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər