Bu gün Azərbaycan Yazıçılar Birliyində Xalq şairi Vaqif Səmədoğlu anılıb.
Kulis.az xəbər verir ki, anım tədbirində Xalq şairinin “Belə demişdi Vaqif Səmədoğlu” adlı fotolardan və aforizmlərdən ibarət kitabının təqdimatı olub.
Tədbirdə çıxış edən Yazılar Birliyinin katibi Səlim Babullaoğlu Vaqif Səmədoğlunun həyatı, yaradıcılıq yolu barədə məlumat verib. O qeyd edib ki, tədbir Vaqif Səmədoğlu Mərkəzi ilə bərabər həyata keçirilib.
Vaqif Səmədoğlunun həyat yoldaşı Nüşabə Babayeva-Vəkilova isə iştirakçılara təşəkkür edib və “Belə demişdi Vaqif Səmədoğlu” kitabının ərsəyə gəlməsi barədə danışıb.
Daha sonra digər iştirakçılar Vaqif Səmədoğlu barədə xatirələrini bölüşüb.
Qeyd edək ki, bu gün Xalq şairi Vaqif Səmədoğlunun vəfatından 10 il ötür.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
