Azərbaycan Dövlət Gənc Tamaşaçılar Teatrı "İnanıram" monotamaşası ilə çıxış etdi

Azərbaycan Dövlət Gənc Tamaşaçılar Teatrı "İnanıram" monotamaşası ilə çıxış etdi
10 noyabr 2023
# 15:15

Mədəniyyət Nazirliyi Ümummilli lider Heydər Əliyevin 100, Azərbaycan peşəkar milli teatrının yaranmasının 150 illiyinə həsr edilmiş silsilə tədbirlər çərçivəsində regionlara təşkil olunan qastrol səfərləri yeni mövsümdə də davam etdirir.

Kulis.az xəbər verir ki, Mədəniyyət Nazirliyinin Zəfər günü münasibəti ilə təşkil etdiyi "Zəfər" Musiqi və Teatr Festivalında Azərbaycan Dövlət Gənc Tamaşaçılar Teatrı, "İRƏLİ" İctimai Birliyinin tərəfdaşlığı ilə noyabrın 8-də Ağdamın Quzanlı kəndində yerləşən Ağdam Dövlət Dram Teatrında "İnanıram" monotamaşası ilə çıxış edib.

Tamaşanın nümayişindən əvvəl Ağdam Dövlət Dram Teatrının direktoru Məhəmməd Hüseynov çıxış edərək Zəfər günü münasibəti ilə tamaşaçıları təbrik edib, şəhid analarını və qaziləri salamlayıb. Daha sonra Azərbaycan Dövlət Gənc Tamaşaçılar Teatrının truppa rəhbəri Ələsgər Muradxanlı, "İnanıram" monotamaşasının quruluşçu rejissoru Elşad Rəhimzadə, "İRƏLİ" İctimai Birliyinin layihələrlə iş üzrə katibi Riad Cəbrayılov çıxış ediblər.

Ülviyyə Heydərovanın eyniadlı pyesi əsasında hazırlanan səhnə əsərinin rejissoru Elşad Rəhimzadədir. Tamaşada ana rolunu aktrisa Zemfira Əbdülsəmədova canlandırır.

Tamaşa müharibədə yeganə oğlunu itirmiş qadından bəhs edir. Qadın bir dağ kəndində arxeoloji ekspedisiyada iştirak edərkən, yamacda tək başına boy atmaqda olan bir ağac görür. Gənc arxeoloq bu ağacın kölgəsində oturarkən ana olacağını öyrənir. Məhz bu məqamdan sonra qadınla ağac arasında mənəvi bağ yaranır. Qadın müharibə səbəbindən arxeoloji qazıntı ərazisindən uzaq düşür. O, həmişə arzulayır ki, işğal altında qalan dağ yamacındakı bu ağacı oğluna göstərə bilsin. İllər sonra qadının oğlu həmin ərazini işğaldan azad edərkən, anasının çox bəhs etdiyi ağacı tanımadan şəhid olur. Qadın isə ürəyindəki dərin ağrı və qəbul etdiyi qəti qərarla ağacın kölgəsinə geri dönür...

Səhnə əsəri Vətən sevgisini bütün sevgilərdən daha üstün tutan şəhidlərimizə və onların analarına həsr olunub.

# 1283 dəfə oxunub

Oxşar xəbərlər

Həsən Kürün ölüm səbəbi barədə… - Nadir Yalçın

Həsən Kürün ölüm səbəbi barədə… - Nadir Yalçın

10:40 8 iyul 2025
Vaqif Poeziya Günləri keçiriləcək

Vaqif Poeziya Günləri keçiriləcək

10:40 8 iyul 2025
Gənc şair Həsən Kür dünyasını dəyişdi

Gənc şair Həsən Kür dünyasını dəyişdi

00:02 8 iyul 2025
Mədəniyyət Nazirliyinin Rusiya ilə əməkdaşlığına dair saxta sənəd  yayıldı

Mədəniyyət Nazirliyinin Rusiya ilə əməkdaşlığına dair saxta sənəd yayıldı

18:46 7 iyul 2025
Peruda 3500 illik  şəhər tapıldı

Peruda 3500 illik şəhər tapıldı

18:35 7 iyul 2025
Rəşad Məcid:  "Leyla xanımın sosial şəbəkədəki bu paylaşımını görəndə..."

Rəşad Məcid: "Leyla xanımın sosial şəbəkədəki bu paylaşımını görəndə..."

17:17 7 iyul 2025
# # #