Azərbaycan Yazıçılar Birliyinin üzvü, Prezident təqaüdçüsü, yazıçı, publisist Şəfa Vəlinin yeni kitabı çap olunub.
Kulis.az xəbər verir ki, "Azalyalı nağıllar" adlı kitab Azərbaycan uşaq ədəbiyyatına dəyərli töhfə kimi 10-13 aprel tarixlərində IV Uşaq Kitab Festivalında balaca oxuculara təqdim edilib.
"Kitabsevərlər" qrupunun təşəbbüsü ilə "AlfaCin" nəşriyyatında işıq üzü görən kitabın naşiri Mübariz Həsənov, redaktoru Cavid Qədir, korrektoru Fariz Məmmədov, texniki redaktoru Aytən Paşayeva, dizayneri Zülfiyyə Abbasovadır. Nəşrin üz qabığında, eləcə də səhifələrində yer alan illüstrasiyalar Sabrina Mürsəqulovaya aiddir.
Ön sözü yazıçı, publisist Məhsəti Musa yazıb.
"Azalyalı nağıllar" kitabı müəllifin uşaq dünyasının rəngarəngliyinə yenidən daxil olmaq cəhdidir. Həm onun, həm də oxucuların yol göstərəni Azalya adlı qızcığazdır.
Qeyd edək ki, 19 fərqli və maraqlı nağıldan ibarət olan bu kitabı oxuyan uşaqlar Azalyanın fikirlərinə, arzularına bələd olacaqlar. Anlayacaqlar ki, hər uşaq öz xəyal dünyasının qəhrəmanıdır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər