Türkiyənin paytaxtı Ankarada Hacı Bayram Vəli Universitetinin 100 illiyi çərçivəsində Azərbaycanın görkəmli şairi və ictimai xadimi Əhməd Cavadın anım mərasimi keçirilib.
Kulis.az xəbər verir ki, tədbir sovet hakimiyyəti tərəfindən "əksinqilabi fəaliyyət" və "pantürkizm" ittihamı ilə edam edilmiş şairin vəfatının 88-ci ildönümünə təsadüf edib.
Azərbaycanın Türkiyədəki səfiri Rəşad Məmmədov tədbir iştirakçıları qarşısında çıxış edərək Ə.Cavadın yaradıcılığını "türk dünyasının birləşmə amili" adlandırıb. Diplomat şairin həyat yoldaşı Şükriyyə xanımın da Stalin repressiyalarının qurbanı olduğunu xatırladıb.
Toplantıda şairin xatirəsinə həsr olunmuş sənədli film təqdim olunub.
Qeyd edək ki, tədbirdə repressiya qurbanı olmuş türk ziyalılarına həsr olunmuş fotosərgi nümayiş etdirilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
