Amazonda qədim sivilizasiya aşkar edildi

Media

Ana səhifə
Media

Amazonda qədim sivilizasiya aşkar edildi

17 avqust 2026

12:50

Amazon yağış meşələrinin altında aparılan son arxeoloji tədqiqatlar bölgədə təxminən 2 min il əvvəl mövcud olmuş qədim sivilizasiyanın izlərini üzə çıxarıb.

Kulis.az xəbər verir ki, araşdırmaya əsasən, alimlər havadan lazerlə skanlama sistemi vasitəsilə sıx meşə örtüyü altında qalmış 400-dən çoxu elmə məlum olmayan, ümumilikdə 432 geometrik torpaq qurğusu aşkar ediblər.

Eramızdan əvvəl 600 – eramızın 850-ci illəri arasında məskunlaşmış və Kolumbdan əvvəlki dövrə aid edilən bu icma Acre çayının adından götürülərək "Aquiry" adlandırılıb.

Tədqiqatçılar hesab edir ki, "Aquiry" cəmiyyətinin ən qüdrətli dövründə əhalisinin sayı 1,25 milyon ilə 3 milyon arasında olub.

Eramızın 850–1000-ci illəri arasında gözlənilmədən yoxa çıxan bu sivilizasiya metal alətlər və yük heyvanları istifadə etmədən nəhəng həndəklər, meydanlar və onları birləşdirən yolları inşa edib.

Alimlərin fikrincə, vahid mərkəzdən idarə olunan imperatorluqdan çox qədim Yunanıstana bənzər müstəqil, lakin eyni mədəniyyəti bölüşən icmalar sisteminə malik olan bu xalq Amazon meşələrini məhv etmədən, ekosistemlə ahəngdar şəkildə yaşamağı bacarıb.