Alimlərdən yeni kəşf - Qədim insanlar bir-birilərini yeyirdilər?

Media

Ana səhifə
Media

Alimlərdən yeni kəşf - Qədim insanlar bir-birilərini yeyirdilər?

17 avqust 2026

13:30

Fransada yerləşən "Les Pradelles" mağarasında tapılan sümükləri yenidən tədqiq edən alimlər təxminən 60-50 min il əvvəl bu ərazidə yaşamış neandertalların ən azı üç fərqli dövrdə öz növünü yemiş ola biləcəyini göstərən yeni dəlillər aşkar ediblər.

Kulis.az xəbər verir ki, araşdırmada mağarada tapılan 20 mindən çox şimal maralı sümüyü ilə yanaşı, ən azı 8 Neandertal fərdinə aid qalıqlar analiz edilib.

Sümüklər üzərindəki kəsik və parçalanma izləri onların daş alətlərlə emal edildiyini göstərir.

Tədqiqatçılar mağarada əvvəllər müəyyən olunmamış daha beş neandertal sümüyü aşkar ediblər.

Qalıqların böyük hissəsini kəllə, çənə sümükləri və dişlər təşkil edir ki, bu da arxeologiyada kannibalizmin əsas göstəricilərindən biri sayılır.

Ən diqqətçəkən məqam isə işlənmiş Neandertal sümüklərinin tək bir çöküntü qatında deyil, fərqli təbəqələrdə tapılmasıdır.

Bu da hadisənin təksəfərlik olmadığını, minilliklər ərzində ən azı üç ayrı vaxtda təkrarlandığını göstərir.

Bununla belə, alimlər vurğulayırlar ki, kannibalizm neandertalların pəhrizində çox kiçik yer tutub və mağaradan əsasən ovlanan şimal marallarının parçalanması üçün düşərgə kimi istifadə olunub.