Mirzə Cəlilin Tbilisidəki ev-muzeyi yenidən qurulacaq - Fotolar

Mirzə Cəlilin Tbilisidəki ev-muzeyi yenidən qurulacaq - Fotolar
7 iyul 2021
# 16:01

Gürcüstanda səfərdə olan Azərbaycanın mədəniyyət naziri Anar Kərimov Tbilisidə görkəmli azərbaycanlı ədib Cəlil Məmmədquluzadənin ev-muzeyini ziyarət edib.

Kulis.az xəbər verir ki, nazir muzeyin hazırkı vəziyyəti ilə tanış olub.

Gürcüstanın Azərbaycanlı Ağsaqqallar Şurasının sədri İsak Novruzov nazirə məlumat verərək deyib ki, muzey 1998-ci ildən fəaliyyət göstərir. Muzeyin yerləşdiyi ikimərtəbəli binada 10 ailə yaşayır.

Sakinlər bildiriblər ki, ekspertlərin rəyinə əsasən, bina üçüncü dərəcəli qəzalı vəziyyətdədir. Qeyd olunub ki, Tbilisi meriyası binanın divarlarının möhkəmləndirilməsinə tələb olunan vəsaitin 95 faizini öz üzərinə götürməyə hazırdır. Bu işlərə tələb olunan xərclərin təkrar hesablanmasına ehtiyac yaranıb.

A.Kərimov deyib ki, muzeyin bərpası, eksponatların yenilənməsi məsələsi diqqət mərkəzində saxlanılacaq. Muzeyin təmir və bərpası Gürcüstan qanunvericiliyinə uyğun olaraq həyata keçirilməlidir. İnteryerin tərtibatına azərbaycanlı mütəxəssislər də cəlb oluna bilər.

Azərbaycanın Gürcüstandakı səfiri Faiq Quliyev deyib ki, muzey özünün ilkin vəziyyətinə uyğun bərpa olunmalıdır. O, binada möhkəmləndirmə işlərinin sürətləndirilməsi üçün Tbilisi meriyası ilə danışıqlar aparılacağını qeyd edib.

Sonra nazir Anar Kərimov görkəmli dövlət xadimi, ədib və həkim Nəriman Nərimanovun Tbilisidəki ev-muzeyində olub.

Nazirə muzeyin fəaliyyəti barədə ətraflı məlumat verilib.

Nazir elə həmin gün Tbilisidəki Botanika bağında Görkəmli Azərbaycanlıların Panteonunu da ziyarət edib, məzarlar üzərinə gül dəstələri qoyublar.

# 3233 dəfə oxunub

Oxşar xəbərlər

Van Qoqun 180 milyon dollarlıq tablosu satışdan çıxarıla bilər

Van Qoqun 180 milyon dollarlıq tablosu satışdan çıxarıla bilər

13:57 17 noyabr 2026
14-cü Boğaziçi Film Festivalının  qalibləri bəlli oldu

14-cü Boğaziçi Film Festivalının qalibləri bəlli oldu

13:26 17 noyabr 2026
Bu gün Azərbaycanda Milli Dirçəliş Günüdür

Bu gün Azərbaycanda Milli Dirçəliş Günüdür

12:56 17 noyabr 2026
Məşhur fotoqraf "Fotoqrafiyaya görkəmli töhfə" mükafatına layiq görüldü

Məşhur fotoqraf "Fotoqrafiyaya görkəmli töhfə" mükafatına layiq görüldü

12:38 17 noyabr 2026
Motsartı fəth edən "Mehtər marşı", qəhvə və aypara çörək...  - Vyana türklərdən nələri öyrənmişdi?

Motsartı fəth edən "Mehtər marşı", qəhvə və aypara çörək... - Vyana türklərdən nələri öyrənmişdi?

12:00 17 noyabr 2026
“Rock & Roll Hall of Fame” gecəsində sürprizlər - Əfsanələr eyni səhnədə

“Rock & Roll Hall of Fame” gecəsində sürprizlər - Əfsanələr eyni səhnədə

11:39 17 noyabr 2026
#
#
Ana səhifə Reels Yazarlar Xəbərlər