Sosial şəbəkələrdə böyük maraq görən və minlərlə turistin sevimlisinə çevrilən Pompei Arxeoloji Parkının pişikləri yeni foto-kitabın baş qəhrəmanı olub.
Kulis.az xəbər verir ki, "Giunti Editore" nəşriyyatının Arxeoloji Parkla birgə ərsəyə gətirdiyi "Gatti di Pompei" adlı nəşr, arxeoloq və fotoqraf Silviya Vakkanın qədim şəhər xarabalıqlarında yaşayan təxminən 50 pişikdən ibarət koloniyanı əks etdirən kadrlarından hazırlanıb.
UNESCO irsi olan tarixi məkanda məskunlaşan bu canlılar park rəhbərliyi və yerli heyvansevər dərnəklərin əməkdaşlığı ilə daimi baytar nəzarəti və qayğı altında saxlanılır.
Qeyd edək ki, qədim Roma küçələrini bəzəyən sakinlərin gündəlik yaşamından bəhs edən kitab artıq parkın satış məntəqələrində və kitab mağazalarında oxuculara təqdim olunur.
Ana səhifə
Reels
Yazarlar
Xəbərlər