İtaliya hökuməti bu ildən etibarən 4 oktyabr tarixini Assizili Müqəddəs Fransiskin təcəssüm etdirdiyi sülh, qardaşlıq, həmrəylik və ətraf mühitə hörmət dəyərlərini təbliğ etmək məqsədilə yenidən rəsmi milli bayram statusuna qaytarıb.
Kulis.az xəbər verir ki, Assizi şəhərindəki yuxarı bazilikada təşkil olunacaq rəsmi tədbirlərdə İtaliya Prezidenti Serco Mattarella və xarici ölkə səfirləri iştirak edəcəklər.
Vəfatından 800 il keçməsinə baxmayaraq, Müqəddəs Fransisk diplomatiya, sülh və dinlərarası dialoqun simvolu kimi qəbul edilir.
Onun V Səlib yürüşü zamanı (1219-cu il) Misir sultanı Əl-Məlik əl-Kamil ilə hərbi münaqişəni sözlərlə həll etmək cəhdi tarixdə mərhəmət və dinlərarası ünsiyyət modeli kimi dəyərləndirilir.
Qeyd edək ki, bayram münasibəti ilə ölkə daxilində və Assizidə silsilə mədəni-dini mərasimlər keçiriləcək.
Ana səhifə
Reels
Yazarlar
Xəbərlər