Təbiət fotoqrafları Süha Derbent və Murat Uslunun üçillik kəşfiyyat səfəri zamanı çəkdikləri Arktika fotoları "Eşik nöqtəsi" sərgisində tamaşaçılara təqdim olunacaq.
Kulis.az xəbər verir ki, əriməkdə olan buzlaqların və iqlim böhranının qütb ekosisteminə təsirini diqqətə çatdıran ekspozisiya oktyabrın 21-dən noyabrın 5-dək "Muse Contemporary" incəsənət qalereyasında ziyarətçilər üçün açıq olacaq.
Kanadanın Baffin adasından Norveçin Svalbard bölgəsinə, 84-cü şimal paralelinə qədər uzanan səyahətdə lentə alınan fotolar qütb ayıları, tülküləri, suiti və balinaların dəyişən həyatını sənədləşdirir.
Qeyd edək ki, tədqiqatçı Deniz Derbentin interaktiv instalyasiyası ilə zənginləşən layihə BMT-nin İqlim Dəyişikliyi Konfransı (COP31) ərəfəsində ekosistemin qorunmasına diqqət çəkmək məqsədi daşıyır.
Ana səhifə
Reels
Yazarlar
Xəbərlər