Kulis.az gənc şair Turalın şeirini təqdim edir.
***
Bu şəhərə sükut çökər
şəhər yatar,
mən yatmaram…
Yalnızlıqdan
ürəyimə qəm səpilər,
tək qalaram
bu şəhəri yuxusundan oyatmaram.
Bilirəm ki
nə bu gecə, nə bu şəhər
yalnızlığa çarə tapmaz...
gözlər donuq, hər yan sükut -
ürək yatmaz…
Bu şəhərdə heç bir kəsin
halına ağlamazlar...
Yalnızlıq bürüyər ətrafı,
bir kimsəni
tənhalıqdan almaq üçün
əl atmazlar -
ağlama, tənhalıq!
Bu şəhərdə göz yaşı silinmir;
dərd üstünə dərd gəlir,
dərdli dərdini bilmir…
Çox üzdü bu şəhər
səni də, məni də, onu da...
çətin bu şəhər
bu üzüntünü unuda...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
