"Təəssüf ki, kino mərkəzi fəaliyyətini dayandırdı..."

Kino

Ana səhifə
Kino

"Təəssüf ki, kino mərkəzi fəaliyyətini dayandırdı..." - Açıqlama

22 iyul 2024

10:58

1988-ci ildən fəaliyyət göstərən "Salnamə" sənədli filmlər studiyası fəaliyyətini dayandırıb.

Kulis.az xəbər verir ki, bu barədə rejissor Tahir Tahiroviç məlumat verib:

"1988-ci ildə təsis edilən “Salnamə” sənədli filmlər studiyası bu illər ərzində yüzlərlə xronikal-sənədli, elmi-kütləvi və tədris filmləri istehsal edib. Bu filmlər Azərbaycanın uzaq, yaxın və müasir dövrünün salnaməsidir. “Salnamə” neçə-neçə müəllif, rejissor, kino insanın zəhməti hesabına qurulmuş, ərsəyə gəlmiş, Dövlətimizin mədəni həyatında həmişə diqqət ayırdığı bir kino mərkəzi olub. Təəssüf ki, artıq belə bir mədəniyyət və kino mərkəzi fəaliyyətini dayandırıb.

Heç kəsə sirr deyil ki, hər bir xalqın, dövlətin kinematoqrafiyası, ələlxüsus sənədli kinosu onun tarixinin ayrılmaz parçası olmaqla bərabər, həm də bu tarixi yaşadan, gələcəyə çatdıran unikal bir sənət növüdür. Biz bu gün “Salnamə”nin fəaliyyətini danaydırmaqla, onu itirməklə, deməli tariximizi itiriməli oluruq. Düşünürəm, biz hamımız bir yerdə bu cür məsuliyyəti birlikdə dərk edərək tariximizin salnaməsi olan “Salnamə”nin fəaliyyətini bərpa olunmasına qərar verəcəyik...

Bu gün tez ola bilər, amma və lakin sabah gecdir".