Azərbaycan filmlərinin 98-ci Oskar mükafatına təqdimat komissiyası öz işinə start verir. Beynəlxalq film, əsasən (50%-dən çox), qeyri-ingilis dilində olan ABŞ və onun hüdudlarından kənarda istehsal edilmiş tammetrajlı film (40 dəqiqədən çox) hesab edilir. Animasiya, sənədli və bədii filmlərin qəbulu məqbuldur.

Kulis.az xəbər verir ki, rəsmi hesab edilən seçim komitələri “Beynəlxalq tammetrajlı film” kateqoriyasına baxılmaq üçün yalnız bir filmi təqdim edə bilərlər.

Ölkə tərəfindən seçilmiş film ilk dəfə istehsal olunduğu ölkədə yayımlanmalı və 1 oktyabr 2024-cü il və 30 sentyabr 2025-ci il tarixlərindən gec olmayaraq, ən azı yeddi gün ardıcıl olaraq prokatda olmalıdır.

Filmlərin kino nümayişi üçün uyğunluğunu asanlaşdırmaq məqsədilə, Akademiya onların istehsal olunduğu ölkədən kənarda da prokata çıxmasına icazə verir. Şərt ondan ibarətdir ki, film, ABŞ və onun əraziləri xaricində yerləşən kommersiya kinoteatrında, ödənişli şəkildə və ardıcıl olaraq azı yeddi gün nümayiş etdirilsin.

Filmlər DVD və ya fleşkardda Azərbaycan Kinematoqrafçılar İttifaqına təqdim olunmalıdır.

Son tarix 15 iyul 2025-ci il
Ünvan : Azərbaycan Kinematoqrafçılar İttifaqı
Bakı, Bülbül prospekti 30.Tel: 0124936586

• “Qərbi Azərbaycan aşıqlarının dastan repertuarı” layihəsinin icrasına başlanıldı
• Qadınların ovçusuna çevrilən Nağıyev - İki zabitin qatili həbsxanadan necə qaçdı?
• Xanəndə Aqil Məlikov: "Ehsan vermək üçün bankdan kredit götürürlər" - Müsahibə