Çin teleserialları qadağan etdi

Kino

Ana səhifə
Kino

Çin teleserialları qadağan etdi

10 may 2011

09:35

Çinin radio, kino və televiziya üzrə dövlət idarəsi telekanallara romantik, kriminal serialların nümayiş etdirməmək göstərişini verib. Kulis.az-ın Frans-Press agentliyinə istinadla yaydığı məlumatına görə, idarə bu qərarı şərh etməyib.

Bundan başqa dövlət idarəsi Çin Kommunist partiyasının yaranmasına həsr olunmuş 40 filmin siyahısını təqdim edərək, onların may, iyun və iyul aylarında nümayişini tələb edib.

Məlumata görə, bu çinli gənclər arasında vətənpərvərlik əhval-ruhiyyəsinin yüksəldilməsi və 2011-ci ildə Çin Kommunist partiyasının 90 illik yubileyi ilə bağlıdır.

Sonuncu sosioloji araşdırmalara görə, gənc çinlilər təbliğat verilişlərinin çoxluğu üzündən dövlət televiziyasına baxmırlar.

Onlar daha çox internetdə müxtəlif şouları izləyirlər.

Bir müddət əvvəl isə yerli telekompaniyalara Çinin keçmişinə aid film çəkmək qadağan olunub. Məmurların fikrincə, belə filmlər gənclərin öz ölkələrinin tarixinə hörmətsizlik təlqin edir.

Rəna Nevzat