Sənin dodaqların dualardan müqəddəs – Ulucay Akifdən YENİ ŞEİRLƏR

Sənin dodaqların dualardan müqəddəs – <span style="color:red;">Ulucay Akifdən YENİ ŞEİRLƏR
29 mart 2017
# 14:38

Kulis.Az gənc şair Ulucay Akifin şeirlərini təqdim edir.

Yorğun qadının nəğməsi

Ən böyük üsyandır
bir qadının sükutu.
Yorğun qadınlar
Susmağı seçir,
Susur, susur
və unudur.

Sənin dodaqların
oxuduğun dualardan
daha müqəddəsdir indi.
Barmaqlarının hər birisə
bir Cənnət müjdəçisi...

Bilirəm,
Bu şəhərdə
Xəyanət sevgidən,
Ayrılıqsa göz yaşlarından baha.

Eybi yox,
Sən güclü ol!
Barış saçlarınla.
Uzat saçlarını
qaranlıq gecələrə,
Gülüşünü gizlətmə daha.

Ən böyük üsyandır
bir qadının sükutu.
Yorğun qadınlar
Susmağı seçir,
Susur, susur
və unudur.

***

Tarlada işləyən oğluna
təndir çörəyi aparan nənədən
başlayır Vətən.

Zəhmətkeş adamlardır
bu ölkənin sərhədlərini
Əllərinin qırışında
qoruyan, gizlədən.

Bizim ölkənin himnidir
nənəsinin yanınca qaçışan
uşaqların gülüşü.

Torpaqda əkdiyimiz ağaclar da,
böyüyür, böyüyür,
axır-əvvəl
quşlar üçün bir Vətənə dönüşür.

***

Elə asan görünür ki,
Qalın kəndir, kiçik bir stul.
Hər şey sıfıra qayıdır, yenə artır!
- budur düstur.

Bir tətikin ucundaca
Boylanır üzünə həyat.
Sən əyrilərdən qaçdıqca,
Gülümsər düzünə həyat.

Çəkildiyin şəkillərdə
Təbəssüm üzdən sürüşür,
Ayaqların çox narahat,
Əllərin əsəbi düşür.

Güzgüdəki əksinlə də
gələ bilmirsən göz-gözə.
Deyəsən orucsan yenə,
dilin dəymir bircə sözə.

Elə asan görünür ki,
Qalın kəndir, kiçik bir stul.
Hər şey sıfıra qayıdır, yenə artır!
- budur düstur.

# 2474 dəfə oxunub

Oxşar xəbərlər

Məşhur firmanın məhsullarını geyinən ayı - Başdaşına traktor loqosu vurdurmaq istəyən dərviş kimdir?

Məşhur firmanın məhsullarını geyinən ayı - Başdaşına traktor loqosu vurdurmaq istəyən dərviş kimdir?

17:00 21 fevral 2024
Ay tənqidçi müəllim, bir az bu tərəfə gəl görək... - Ulucay Akif

Ay tənqidçi müəllim, bir az bu tərəfə gəl görək... - Ulucay Akif

13:30 21 fevral 2024
Vərəmə yoluxmuş qadını xəstəxanaya yerləşdirən, onun borclarını ödəyən mer həbsdən niyə qaçmışdı?

Vərəmə yoluxmuş qadını xəstəxanaya yerləşdirən, onun borclarını ödəyən mer həbsdən niyə qaçmışdı?

09:15 20 fevral 2024
Unutmağa kimsə yoxdu? – Ulucay Akif

Unutmağa kimsə yoxdu? – Ulucay Akif

12:43 19 fevral 2024
Müasir roman necə olmalıdır? - Cavanşir Yusifli

Müasir roman necə olmalıdır? - Cavanşir Yusifli

14:00 17 fevral 2024
“Beynəlxalq Kitab Bağışlama Günü” münasibəti ilə Uşaq evi ziyarət olunub

“Beynəlxalq Kitab Bağışlama Günü” münasibəti ilə Uşaq evi ziyarət olunub

10:20 15 fevral 2024
# # #