Qabilin oğlu atası haqda kitab buraxdı

Ədəbi tənqid

Ana səhifə
Ədəbi tənqid

Qabilin oğlu atası haqda kitab buraxdı

22 avqust 2011

11:00

Bu günlərdə "Nurlan" nəşriyyatı Mahir Qabiloğlunun "Atam Qabilin qəribə əhvalatları" kitabını çapdan buraxıb.

Kulis.az AzərTAc-a istinadən xəbər verir ki, xalq şairi Qabilin 85 illiyi münasibətilə yazılmış kitabda M.Qabiloğlunun bilavasitə iştirakçısı və şahidi olduğu 50-yə yaxın bir-birindən maraqlı əhvalat toplanıb. Qabil yaradıcılığının pərəstişkarlarına töhfə olan kitab Həsən Həsənovun redaktorluğu ilə işıq üzü görüb.

M.Qabiloğlu "Müəllifdən" sərlövhəli yazısında qeyd edir ki, bu kitabı atası ilə bağlı maraqlı əhvalatların unudulmaması və geniş ictimaiyyətə çatdırılması məqsədilə qələmə alıb. Kitab görkəmli yazıçımız İsmayıl Şıxlıya istinadla ("Dostum Qabilin qəribə əhvalatları") "Atam Qabilin qəribə əhvalatları" adlandırılıb.

“Səhv düşəndə yerimiz", "Bakılı", "Çörək", "Azərbaycan torpagı", "Göygöl", "Türkün qəbri", "Qoru özünü", "Sənə qurban" və s. şeirləri, "Nəsimi" poeması ilə populyarlıq qazanan xalq şairi Qabil 2007-ci ildə vəfat etmişdir.