writer1

Samirə Əşrəf

Məqalə sayı

186
clock14:11 calendar-gray 14 Yanvar 2021 view-gray8480 dəfə oxunub
view-gray8480 dəfə oxunub

Vəfa Zeynalovanı görmək istəyən qazi

Qaçaqaçda olduğumuz bu qədər qaynar, tələm-tələsik həyatımızın içərisində bəzən çox sadə əhvalatlarla qarşılaşıb dərindən mütəəssir ola, hətta kövrələ də bilirik.

Monoton məişət və iş qrafiki, rutinləşmiş həyat tərzimizin içərisində həmin əhvalatlar bizi düşünməyə, ürəyimizi, beynimizi bir azca başqa yöndən işlətməyə sövq edir.

İkinci Qarabağ müharibəsindən sonra qarşımıza çıxan müxtəlif ağrılı-acılı talelər, həyat hekayələrinin üzərinə bir də qazilərimizin müharibədən sonra yaşam uğrunda mücadiləsini eşidib bildikcə qəribə həyat mənzərələri, sadə insan istəklərinin şahidi oluruq.

İkinci Qarabağ müharibəsində 4 mindən çox top mərmisi atan, kontuziya alan Qarabağ qazisi Tural Məmmədovun arzusu kimi. O qədər odun-alovun, ölümün, vəhşətin içindən çıxıb gələn bu qəhrəmanın arzusu aktrisa Vəfa Zeynalova ilə görüşməkdir...

O cür böyük qəhrəmanlıq göstərən Turalın dayandığı məqam insanı təsirləndirir, həyata bir də onun gözləri ilə baxmağa, düşünməyə vadar edir. Turalın arzusu həm də onu sübut edir ki, Azərbaycan insanının, böyük qəhrəmanlıq göstərən adamların bəzən çox sadə həyat arzuları olur.

Ömrünün hərbə həsr edən Aprel qəhrəmanı Raquf Orucov toyların birində “Ana” segahına qulaq asaraq kövrəlmişdi. Əslində, insan məhz elə o sadə, insani, təmiz arzuları və hisləri ilə daha kamil, daha müdrikdir.

Böyük adamların həmişə çox sadə arzularının olması bizə ədəbiyyatdan da, kinodan da məlumdur. Tolstoyun həyatının böyük hissəsi torpağa, kəndə, orda yaşayan insanlara bağlı olub. Yazıçı bunu “Sergi ata” povestində çox gözəl ifadə edib. Başqalarının inam, ümid yeri olan Sergi ata ömrünün sonlarında hər şeydən bezir, işlədiyi ağır günahı da çiyinlərinə alıb kəndə gedir, orada yaşayan, qızının uşaqlarını saxlayan kasıb xalası qızının yanına pənah aparır. O, bu kimsəsiz, kasıb, dul qadından onun kimi sadə, rahat yaşamağın sirlərini öyrənmək istədiyini bildirir.

Rejissor Andrey Tarkovski yaşadığı qaynar Moskva həyatından 200 km uzaqda yerləşən kəndlərindəki evini yenidən təmir etdirərək, həyatının böyük hissəsini ailəsi ilə birlikdə orda keçirirdi. Bunun səbəbini rejissordan soruşanda kənd adamları, sadə biçinçilərlə ünsiyyətdə olmaq istədiyini, onlardan öyrənməyə ehtiyacı olduğunu deyirdi.

...Biz, yəni əli qələmə yetişən hər kəs vaxtında çox yazdıq, çox dedik ki, sənət adamları əsgərin yanında olsun. Çoxu bunları konyunktura hesab edirdi. Amma indi əsgərimizin Vəfa Zeynalova ilə görüşmək arzusu məsələnin ciddiliyini bir daha göstərir.

Azərbaycan insanı efirdən gördüyü sənət adamına, tanınan insanlara intəhasız məhəbbət bəsləyir. Çox dərinə getsək, görərik ki, o sevginin bəlkə də heç bir əsaslı səbəbi də yoxdur. Və yaxud sevilən adamlar bəzən həmin sevgiyə heç də layiq olmur. Amma bütün hallarda sənət adamlarına böyük rəğbət var, onlara hörmət edir və inanırlar.

Bu baxımdan, yazının əvvəlində dediyim kimi, kontuziyalı qazimizin pərəstişkarı olduğu aktrisa ilə görüşmək arzusu insanı mütəəssir edir.

Yəqin, Vəfa xanım onun bu arzusunu reallaşdıracaq.

Əslində, qazimizi ziyarət etmək, onun dərdini dinləmək hər birimizin borcudur.

REKLAM

Yazarın digər yazıları

Xəbər lenti

Mərhum şairin miras vəsiyyəti məhkəməlik oldu
18:56 01 Mart 2021
Türkiyə ilə mədəni əməkdaşlıq sənədləri imzalandı
18:21 01 Mart 2021
Tovstonoqovun kitabı ilk dəfə Azərbaycan dilində
17:49 01 Mart 2021
Hamı Onun axtarışındadır – Nizamidən yeni tərcümə - Mətn
17:01 01 Mart 2021
Mən səni sevəndən ikicanlıyam - Gənc şairdən yeni şeirlər
16:15 01 Mart 2021
Ölkəmiz xeyriyyə festivalında
15:29 01 Mart 2021
İki dəfə oğlu ilə sürgün olundu, ac qalmamaq üçün şahın qızıl saatını satdı, oxuya-oxuya öldü – Əməkdar artistin dram dolu həyatı
14:41 01 Mart 2021
Azərbaycanda yeni muzeyin açılışı oldu - Dünyada ilk dəfə
13:54 01 Mart 2021
Azərbaycan-Türkiyə Mədəniyyət üzrə Birgə Komissiyanın iclası keçirildi
13:06 01 Mart 2021
Gözəlliyinə görə vəzifəyə gedən qadınlar
12:17 01 Mart 2021
Sosial şəbəkələrdəki duyğu mazoxistləri
11:45 01 Mart 2021
"Qızıl Qlobus"un sahibləri bəlli oldu - Fotolar
11:20 01 Mart 2021
Azərbaycanlı yazıçı anasından roman yazdı
11:06 01 Mart 2021
Mədəniyyət naziri Türkiyəyə gedib
09:59 01 Mart 2021
Ürək cərrahı Rəşad Mahmudov: “Şairlərin ürəyi fərqli deyil” – Müsahibə
09:00 01 Mart 2021
Həkimlərin əməliyyat masasında qoyub qaçdığı Nəzakət Məmmədova: Əri onu hər gün döyürdü
12:37 28 Fevral 2021
Karvan dayandı - Ənvər Məmmədxanlının hekayəsi
16:47 27 Fevral 2021
Azərbaycanlı rəssamın əsəri Türkiyə Prezidentinə hədiyyə edildi - Foto
15:31 27 Fevral 2021
Azərbaycan yazıçıları Sankt-Peterburqun nüfuzlu ədəbiyyat müsabiqəsində - İlk dəfə
14:16 27 Fevral 2021
Məşhur klarnetçiyə ağır itki
13:04 27 Fevral 2021