“İlk telefon zəngində anamdan, sonra Əlhəmdən üzr istədim. Ağladım, amma Əlhəm dedi ki, ağlama”.

Kulis .az xəbər verir ki, bu sözləri bu günlərdə həbsdən azad olan müğənni Fədayə Laçın Tarix Əliyevin "Youtube" layihəsi olan "Tolik ilə səmimi" layihəsində deyib. Məhbusluq həyatından bəhs edən müğənni oğlu ilə bağlı nüanslara da toxunub:

“Haqqımda yayılan söz-söhbətlərə görə çox pis oldum təbii ki. Əslində hər şey heç də yazılanlar kimi deyildi. Amma nə edə bilərik ki yazırlar də... Əlhəmi düşünürdüm, amma qətiyyən narahat deyildim ki, baş verənlərdən təsirlənib özünə qəsd edə bilər. Düzdü özünə qapanıb, pis olub. Amma intiharı əlsa düşünəcək bir uşaq deyil. Bilirdim ki, Əlhəm ağıllı, səbirli, təmkinli insandır. Dərrakəsi yaşına uyğun deyil. Ona görə də əmin idim ki, o, bu şeyləri qəbul edə biləcək.

Həbsxanaya görüşümə gələndə də mənə nə isə deyib utandırmadı. Amma hələ də onunla danışa bilməmişik. Aramızdan pərdə götürülmədən, ana-bala kimi dərtləşəcəyik. Oğlumla birlikdə rayonlardan birinə gedib, dərtləşəcəyik. Əlhəm şairdir, hər şeyi anlayandır. Bilir ki, anası əxlaqsız qadın olmayıb. Gərək olmazdı, amma oldu. Əvvəl gündən oğlumdan üzr istədim. İlk telefon zəngində anamdan, sonra Əlhəmdən üzr istədim. Ağladım, amma Əlhəm dedi ki, ağlama. Onda ürəkləndim, söz verdim ki, ağlamayacam. Amma gecələr ağlayırdım. Həbs olunmazdan əvvəl də yastığım bilir mənim gözyaşlarımı. Mən üzdə ağlayan deyiləm".

• Həbs edilən tiktokerlər günahsızdır
• Oxucularını aldadan yazıçı, Əli Kərim sevdalısı qadın və yaddaşımızdakı şeirlər - Reportaj
• Almaniya prezidenti Orxan Pamukla Məsumiyyət muzeyində