Bu gün Ermənistanın Azərbaycana qarşı hərbi təxribatlarının, döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə başladılan Vətən müharibəsində canlarından keçən qəhrəman şəhidlərimizin Anım Günüdür.
Kulis.az "Günün şeiri" layihəsindən Tural Turanın "Müharibə başladı" şeirini təqdim edir.
...Saat altıdır,
oyanır yuxudan
göyüzünün radiosu:
-Salam, Azərbaycan!
Danışan müharibədir!
Eşidirsinizmi bizi?
Çağırışına cavab verin
hər mərminin, gilizin...
Sonra bütün mərmilər
zəng edir kimsəsiz evlərə:
- Kimsə var?
Uzaq yoldan gəlmişik.
Hanı körpə uşaqlar,
atalarından
xəbər gətirmişik...
On dəqiqə sonra
Hamı dönür əsgərə!
Vətənin alnı qırışır,
Bütöv bir vətən
çevrilir səngərə:
- Alo,
artıq çıxmışıq komamızdan!
Evdə "qonaq" qarşılamağa
ağ-qara şəkillər var,
bir də körpə dualar...
Sülh üçün savaşa
Salam var hamımızdan!
...Sonra söndürür
Göyüzü radionu...
Elə ilk gün və müharibənin sonu...
Sentyabr, 2020
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər