Orda babamın ruhu dolaşırdı – Qaçaq Nəbinin kötücəsi Qubadlı səfərindən yazır...

Orda babamın ruhu dolaşırdı – Qaçaq Nəbinin kötücəsi Qubadlı səfərindən yazır...
25 may 2022
# 17:40

Yola çıxdığımız gün çox həyəcanlı idim. Qubadlıya gedən yollarda erməni vandalizminin buraxdığı izləri gördükcə, canlı döyüşlərin getdiyi yerləri bildikcə kədərlənirdim. Dilimdə şəhidlərimiz üçün oxunan dualar vardı.


Düşmən tərəfindən dağıdılan evləri gördüyüm zaman gözümün önündə həmin evdə çalınan vağzalı, həyətində oynayan uşaqlar, mal-qaranı haylayan insanlar canlanırdı...

Axı neçə neçə qızlar gəlin köçüb o ocaqlardan, nənələr, analar lay-lay deyib o evlərdə. Çətindir. Bütün yaralarına rəğmən ruhumun basqalı Qubadlımız öz sakinlərini tanıyırdı. Təbiəti bizi salamlayırdı. Həkərinin səsində illərin həsrəti, fəryadı, sevinci vardı. Quşların səsi, dağların əzəməti, günəş təkcə insanın özünü yox qəlbini də isidirdi. Qələbə sevincini bizə yaşadan Ali Baş Komandan cənab prezident başda olmaqla Vətən uğrunda savaşan igidlərimdən Allah razı olsun.

Aşağı Mollu kəndinə çatdıqda dərin nəfəs aldım. İnsan özünü Qubadlının zəvvarı kimi hiss edir. Ulu nənəm Həcərin məzarını təvaf etdim. Məzar bərpa olunmuşdu. Bunun üçün Qubadlı Rayon İcra Hakimiyyətinə və kəndin ziyalılarına öz təşəkkürümü bildirirəm. Ruhum dincəldi. Hüzur, rahatlıq vardı. Adını daşıdığım xalq qəhrəmanın orada uyuduğunu düşünəndə ruhu ilə danışmağa başlayır insan. Ürəklə: "Həcər xanım bizim igid oğullarımız Sənin adını da, məzarını da, ruhunu da, düşməndən xilas etdilər, mən gəldim" deyirsən. Allah bütün şəhidlərimizə rəhmət, qazilərimizə şəfa versin.

Babam birinci Qarabağ savaşında öz el obasını tərk etmədi. Son nəfəsinədək döyüşdü, silahı ilə erməniləri öldürüb, şəhid oldu. Ən dəhşətlisi babamgilə gedən yolda keçirdiyim hisslər idi. Axı mənə Həcər adını qoyan babamın ruhu dolaşırdı orada. Təkcə ev dağıdılmamışdı. Mənim baba nəvazişinə məhrum qaldığım illərim dağıdılmışdı. Hələ də özümə gələ bilmirəm.

Həkəri çayının ətrafı, babamgilin həyəti oraları dolaşdıqca "uşaqlıqda bəlkə buradan keçmişəm ,bəlkə bu daşın yanında oynayan zaman yumalanıb yıxılmışam" düşünürdüm. Qarışıq hisslər hələ də davam edir. Duyğularım Qubadlıda qalıb.

Qubadlıda yeni doğulan atın balasını gördüm. Sevinərək gəzməyi öyrənirdi. Elə məhz həmin dayça kimi ümidlərimiz var. İnanıram ki, Qubadlı sağalacaq. Artıq Qarabağ da yeni dünyaya gələn körpələrin doğum şəhadətnamələrində Qubadlı, Zəngilan, Laçın, Kəlbəcər, Şuşa sözləri yazılacaq. Bu ümdə arzularla...

Həcər Əkbərova

# 4766 dəfə oxunub

Oxşar xəbərlər

Mehdi Hüseynin kostyumu - Məşhur şairin Bakı xatirələri

Mehdi Hüseynin kostyumu - Məşhur şairin Bakı xatirələri

14:00 25 mart 2024
Ənvər Məmmədxanlı:  "Mircəfər Bağırov məktubumu özündə saxladı, məni həbs etmədilər" - EKSKLÜZİV VİDEO

Ənvər Məmmədxanlı: "Mircəfər Bağırov məktubumu özündə saxladı, məni həbs etmədilər" - EKSKLÜZİV VİDEO

12:32 28 fevral 2024
250 illik sirr: Əsgəran qalasını kim tikdirmişdi? - QARABAĞDAN REPORTAJ

250 illik sirr: Əsgəran qalasını kim tikdirmişdi? - QARABAĞDAN REPORTAJ

12:00 13 fevral 2024
Su altında qalmış sivilizasiya – Türklərin ilk məskəni

Su altında qalmış sivilizasiya – Türklərin ilk məskəni

09:00 2 fevral 2024
Həmid Herisçinin vəziyyəti açıqlanıb

Həmid Herisçinin vəziyyəti açıqlanıb

11:00 29 yanvar 2024
“Füzuli sənətkarlığı” kitabı təqdim olundu

“Füzuli sənətkarlığı” kitabı təqdim olundu

09:36 29 yanvar 2024
# # #