Əlcəzairlə Misir arasında popçu davası

Sənət

Ana səhifə
Sənət

Əlcəzairlə Misir arasında popçu davası

21 iyun 2011

11:11

Əlcəzairlilər Misirin məşhur pop ulduzu Şirin Əbd əl-Vahabın onların ölkəsini təhqir etməsindən qəzəbləniblər. Müğənni iki ölkənin futbol azarkeşləri arasındakı münaqişədən sonra Misir və Əlcəzair arasında yaranmış xoşagəlməz münasibət, həm də siyasi böhran səbəbindən qastroldan imtina edib.

Şirinin imtinasını təhqir sayan əlcəzairlilər onu boykot edib və ərəb mətbutında ona qarşı kampaniyaya başlayıblar. Əlcəzairlilər müğənnini pula hərislikdə, bordel və fahişəlik şəbəkəsinin təşkilatlanmasında, mahnılarında narkotik maddələrdən alınan zövqü tərənnüm etməsində suçlandırır.

Əlcəzair qəzetlərində Şirinin yerli prodüserlər qarşısında qoyduğu şərtlər də yer alıb.

Müğənni Əlcəzairə xüsusi təyyarədə aparılmasını və 90 min dollar beh tələb edib. Jurnalistlərin sözlərinə görə o blərəkdən ağır şərtlər qoymaqla əlcəzairliləri təhqir edib və konsertin baş tutmamasına çalışıb.

Rəna Nevzat