Muğam Latviyaya gedir

Sənət

Ana səhifə
Sənət

Muğam Latviyaya gedir

20 may 2011

13:43

Latviyada Azərbaycanın muğam ustalarının iştirakı ilə «Azərbaycan simfomuğam»ı adlı konsert keçiriləcək. Latviyanın simfonik orkestrinin müşayiəti ilə baş tutacaq konsert mayın 29-u olacaq.

Konsert proqramında muğam və simfonik musiqinin vəhdəti təqdim ediləcək. Respublika gününə həsr olunan konsertin dirijoru Yalçın Adıgözəlovdur.

Xanəndə Mənsum İbrahimov, tarda Elçin Həşimov, kamançada Elnur Əhmədov “Trio Qarabağ” adı altında çıxış edəcəklər.

Layihəni həyata keçirməkdə məqsəd isə Azərbaycan muğamının Avropada təbliğini genişləndirməkdir.

Layihə Latviyanın Dövlət Filarmoniyasında Azərbaycanın Latviyadakı səfiri, Latviyanın Azərbaycandakı səfiri, «Ocaq» Azərbaycan Mədəniyyət Mərkəzi və Riqanın RST qurumunun təşkilatçılığı ilə həyata keçiriləcək.

Günel ƏSGƏRZADƏ