Çində 10 gün Azərbaycan

Sənət

Ana səhifə
Sənət

Çində 10 gün Azərbaycan - DEKADA

19 may 2011

13:33

Mayın 23-dən 27-dək Çin Xalq Respublikasında Azərbaycan Mədəniyyəti Günləri keçiriləcək.

Kulis.az Mədəniyyət və Turizm Nazirliyinin rəsmi saytına istinadən bildirir ki, mədəniyyət günlərində nazir Əbülfəs Qarayevin başçılığı ilə nümayəndə heyəti iştirak edəcək.

Nümayəndə heyətinin tərkibinə Azərbaycan Turizm İnstitutunun rektoru Cəfər Cəfərov, Teatr Xadimləri İttifaqının sədri Azər Paşa Nemət, eləcə də parlament və icra hakimiyyətinin təmsilçiləri daxildirlər.

Mədəniyyət günləri çərçivəsində təşkil olunacaq tədbirlərdə rəsmi nümayəndə heyəti və işçi qrupu ilə yanaşı, məşhur solistlər, Azərbaycan Dövlət Rəqs Ansamblının üzvləri, Dövlət Kamera Orkestrinin musiqiçiləri və media nümayəndələri iştirak edəcəklər.

Günel ƏSGƏRZADƏ